ఇదిగో పులి – అంటే అదిగో తోక అన్న‌ట్టు త‌యార‌వుతాయి సినిమా వార్త‌లు. ప‌వ‌న్ క‌ల్యాణ్ – హ‌రీష్ శంక‌ర్ కాంబోలో సినిమా అనే న్యూస్ రాగానే, క‌థానాయిక ఎవ‌ర‌న్న విష‌యంలో ర‌క‌ర‌కాల వార్త‌లు బ‌య‌ట‌కు వ‌చ్చాయి. కొంత‌మంది కైరా అద్వానీ అని రాశారు. ఇంకొంత‌మంది మాల‌మాళ క‌థానాయిక మాన‌స రాధాకృష్ణ‌న్ పేరు తెర‌పైకి తీసుకొచ్చారు. తెలుగు ప్రేక్ష‌కుల‌కు ఈ పేరు పెద్ద‌గా ప‌రిచ‌యం లేదు. కానీ ప‌వ‌న్ ప‌క్క‌న క‌థానాయిక అనేస‌రికి.. ఆమె ఫొటోలు తెగ వైర‌ల్ అయ్యాయి. ఈ వార్త‌ల‌పై హ‌రీష్ శంక‌ర్ స్పందించారు. తమ సినిమాలో క‌థానాయిక ఇంకా ఫిక్స్ కాలేద‌ని ప్ర‌క‌టించి గాసిప్పుల‌కు చెక్ పెట్టే ప్ర‌య‌త్నం చేశారు. హ‌రీష్ ప్ర‌స్తుతం స్క్రిప్టుని త‌యారు చేసే ప‌నిలో ఉన్నారు. అది అయ్యాకే హీరోయిన్ కోసం అన్వేష‌ణ మొద‌ల‌వుతుంది. పైగా ఈ సినిమా ప‌ట్టాలెక్క‌డానికి చాలా స‌మ‌యం ప‌డుతుంది. ముందు వ‌కీల్ సాబ్ పూర్త‌వ్వాలి, ఆ త‌ర‌వాత క్రిష్ సినిమా ముగించాలి. అప్పుడు హ‌రీష్ సినిమా మొద‌ల‌వుతుంది. ఇక హీరోయిన్ కోసం అప్పుడే తొంద‌ర ప‌డి లాభ‌మేముంది??