సంపత్ నంది… ఇండ్రస్ట్రీకి వ‌చ్చి ద‌శాబ్దం దాటేసింది. కానీ తీసింది 5 సినిమాలే. ఆ అయిదూ క‌మ‌ర్షియ‌ల్‌గా ఓకే అనిపించుకున్నాయి. నిర్మాత‌గానూ కొన్ని ప్ర‌య‌త్నాలు చేశాడు. ఇప్పుడ గోపీచంద్‌తో సిటీమార్ తెర‌కెక్కిస్తున్నాడు. సంపత్ ఫ్యూచ‌ర్ ప్లాన్స్ భారీగానే ఉన్నాయి. త‌న గురి ఇప్పుడు మెగా బ్ర‌ద‌ర్స్‌పై ఉంది. ప‌వ‌న్ క‌ల్యాణ్ తో సినిమా చేయాల‌న్న‌ది సంపత్ ఆశ. ఓ సంద‌ర్భంలో ఆ అవ‌కాశం వ‌చ్చిన‌ట్టే వ‌చ్చి చేజారింది. అలా… త‌న‌తో సినిమా చేయాల‌నుకుని మిస్ అయిన ప్ర‌తీ ద‌ర్శ‌కుడినీ పిలిచి అవ‌కాశం ఇవ్వ‌డం ప‌వ‌న్ స్టైల్‌. త్వ‌ర‌లోనే సంపత్ నందికీ ఛాన్స్ వ‌చ్చినా ఆశ్చ‌ర్య‌పోవాల్సిన అవ‌స‌రం లేదు. అన్నింటికంటే మించి.. ప‌వ‌న్ కోసం ఓ మంచి క‌థ త‌యారు చేసుకున్నాడ‌ట సంపత్. త్వ‌ర‌లోనే ఆ క‌థ‌ని ప‌వ‌న్‌కి వినిపిస్తా అంటున్నాడు.
చిరంజీవితో ఓ సినిమా చేయాల‌న్న‌ది సంపత్ క‌ల. రాజాకార్ల నేప‌థ్యంలో ఓ క‌థ రాసుకున్నాడ‌ట సంపత్. దాన్ని త్వ‌ర‌లోనే చిరంజీవికి వినిపిస్తానంటున్నాడు. చారిత్ర‌క నేప‌థ్యం ఉన్న క‌థ‌లు ఇప్పుడు బాగానే గిట్టుబాటు అవుతున్నాయి. వాటికి పాన్ ఇండియా మైలేజీ దొరుకుతోంది. దాన్ని దృష్టిలో ఉంచుకునే సంప‌త్‌నంది ఈ క‌థ త‌యారు చేసుకున్నాడు. చూద్దాం.. మెగా బ్ర‌ద‌ర్స్‌లో ఎవ‌రి నుంచి ముందుగా పిలుపు వ‌స్తుందో..?
