క‌రోనా ఎఫెక్ట్ `ఆర్‌.ఆర్‌.ఆర్‌`పై ప‌డింది. ఈసినిమాని మ‌రోసారి వాయిదా వేస్తున్నారు. 2021 సంక్రాంతికి రావాల్సిన `ఆర్‌.ఆర్‌.ఆర్‌` ఇప్పుడు వేస‌వికి వెళ్లిపోయిన‌ట్టు స‌మాచారం. ఇప్ప‌టికి ఆర్‌.ఆర్‌.ఆర్ 70 శాతం చిత్రీక‌ర‌ణ పూర్త‌యింది. మ‌రో 30 శాతం బాకీ. దానికి తోడు పోస్ట్ ప్రొడ‌క్ష‌న్ ప‌నులు పెండింగ్‌లో ఉన్నాయి. లాక్ డౌన్ నేప‌థ్యంలో షూటింగులు ఎప్పుడు మొల‌వుతాయో తెలీదు. అందుకే ముందు జాగ్ర‌త్త‌గా ఈసినిమాని వేస‌వికి షిఫ్ట్ చేసిన‌ట్టు తెలుస్తోంది. జులై నుంచి థియేట‌ర్ల ఓపెనింగ్ మొద‌లైనా, ప‌రిస్థితులు చ‌క్క‌బ‌డే స‌రికి ఈ యేడాది గ‌డిచిపోతుంది. వేస‌వికి వ‌స్తే… `ఆర్‌.ఆర్‌.ఆర్‌`కి మ‌రింత మైలేజీ. అందుకే.. చిత్ర‌బృందం `ఆర్‌.ఆర్‌.ఆర్‌`ని స‌మ్మ‌ర్ రిలీజ్‌కి ఫిక్స్ చేశారు. ఈ మేర‌కు ఓ అధికారిక స‌మాచారం కూడా త్వ‌ర‌లోనే వ‌చ్చే అవ‌కాశం ఉంది. ఈనెల 20న ఎన్టీఆర్ పుట్టిన రోజు సంద‌ర్భంగా ఓ టీజ‌ర్‌ని ఆశిస్తున్నారు అభిమానులు. టీజ‌ర్ రావ‌డం అనుమాన‌మే అని, ఈసారికి ఎన్టీఆర్ లుక్ తో స‌రిపెట్టుకునే అవ‌కాశాలు ఉన్నాయి. ఎన్టీఆర్ లుక్‌తో పాటే కొత్త రిలీజ్ డేట్ ప్ర‌క‌టించొచ్చ‌ని తెలుస్తోంది.