ఇస్మార్ట్ శంక‌ర్ తో పూరి జ‌గ‌న్నాథ్ ఫామ్ లోకి వ‌చ్చేశాడు. ఈ హిట్టు ఇచ్చిన ఉత్సాహంతో ఇప్పుడు విజ‌య్ దేవ‌ర‌కొండ‌తో పాన్ ఇండియా సినిమా చేస్తున్నాడు. ఈ సినిమా ముగిసిన వెంట‌నే… పూరి బాలీవుడ్ వెళ్తున్నాడు. అక్క‌డ ఓ హీరోతో మ‌రో పాన్ ఇండియా సినిమా చేస్తున్నాడు. పూరికి బాలీవుడ్ సినిమాలు కొత్తేం కాదు. ఏకంగా అమితాబ్ బ‌చ్చ‌న్‌తోనే ఓ సినిమా చేసేశాడు. అప్ప‌టి నుంచీ హిందీలో మ‌రో సినిమా తీయాల‌ని గ‌ట్టి ప్ర‌య‌త్నాలు చేశాడు. బిజినెస్‌మెన్‌ని ముందు హిందీలోనే చేద్దామ‌నుకున్నాడు. కానీ కుద‌ర్లేదు. ఈసారి మాత్రం పూరిని ఆప‌డం ఎవ‌రి వ‌ల్లా కావ‌డం లేదు. అక్క‌డో యువ స్టార్ హీరోకి పూరి క‌థ చెప్ప‌డం, అది న‌చ్చేయ‌డం జ‌రిగిపోయాయి. త్వ‌ర‌లోనే ఈ పాన్ ఇండియా కధకి సంబంధించిన అధికారిక ప్ర‌క‌ట‌న వస్తుంది. ఈ క‌థ‌పై ఇప్పుడే ఛార్మి తెగ కాన్ఫిడెన్స్ పెంచేస్తోంది. ”క‌థ అద్భుతంగా కుదిరింది. పూరి నుంచి ఈమ‌ధ్య కాలంలో ఇంత గొప్ప క‌థ రాలేదు. త‌ప్ప‌కుండా…. పూరి షాక్ ఇవ్వ‌డం ఖాయం” అంటోంది. మ‌రి పూరి క‌థ‌కు ఫ్లాటైపోయిన ఆ బాలీవుడ్ హీరో ఎవ‌రో..?