నాని ప్ర‌స్తుతం ట‌క్ జ‌గదీష్ గా రెడీ అవుతున్నాడు. ఈలోగా మ‌రికొన్ని క‌థ‌లు సిద్ధం చేసుకుంటున్నాడు. ఈ నేప‌థ్యంలో సుకుమార్ శిష్యుడు శ్రీ‌కాంత్ కి నాని అవ‌కాశం ఇచ్చిన‌ట్టు తెలుగు 360 ముందే చెప్పింది. ఇప్పుడు ఆ సినిమా ఖ‌రారైపోయింది కూడా. ఈ చిత్రాన్ని సుధాక‌ర్ చెరుకూరి నిర్మిస్తున్నారు. ఇది వ‌రకు శ‌ర్వానంద్ తో `ప‌డి ప‌డి లేచె మ‌న‌సు` తీశారు. ఇప్పుడు రానాతో `విరాట‌ప‌ర్వం` తెర‌కెక్కిస్తున్నారు. `ట‌క్ జ‌గ‌దీష్‌` అయిన త‌ర‌వాత నాని మ‌రో సినిమా చేస్తారు. ఆ త‌ర‌వాతే.. శ్రీ‌కాంత్ సినిమా మొద‌ల‌వుతుంది. అయితే ఈసినిమా సుకుమార్ రైటింగ్స్ నిర్మిస్తుంద‌ని ప్ర‌చారం జ‌రుగుతోంది. సుకుమార్‌కీ, త‌న నిర్మాణ సంస్థ‌కీ, ఈ సినిమాకీ ఎలాంటి సంబంధం లేదు. ఈ సినిమాకి సుధాక‌ర్ మాత్ర‌మే సోలో నిర్మాత‌. త్వ‌ర‌లోనే ఈ సినిమా పై ఓ అధికారిక ప్ర‌క‌ట‌న వెలువ‌డుతుంది.