బాలీవుడ్‌లో ఓ సినిమా చేయ‌డానికి పూరి జ‌గ‌న్నాథ్ గ‌ట్టిగా ప్లాన్ చేస్తున్నాడు. త్వ‌ర‌లోనే ఓ బాలీవుడ్ లో పాన్ ఇండియా సినిమా చేయబోతున్న‌ట్టు పూరి ఇటీవ‌లే ప్ర‌క‌టించాడు. అందులో ఓ అగ్ర క‌థానాయ‌కుడు న‌టిస్తాడ‌ని హింట్ ఇచ్చాడు. అయితే.. ఆ హీరో ఎవ‌రన్న విష‌యంలో క్లారిటీ దాదాపుగా వ‌చ్చేసింది. త‌నే.. సల్మాన్ ఖాన్‌.
అవును… పూరి దృష్టిలో ఉన్న హీరో సల్మాన్. త‌న కోస‌మే పూరి ఓ క‌థ రెడీ చేశాడ‌ని టాక్‌. పూరి సంచ‌న‌లం `పోకిరి`ని సల్మాన్ హిందీలో రీమేక్ చేసి సూప‌ర్ హిట్ అందుకున్నాడు. అప్ప‌టి నుంచీ పూరి – సల్మాన్ ఇద్ద‌రూ ట‌చ్‌లోనే ఉన్నారు. ఇద్ద‌రూ క‌లిసి ఓ సినిమా చేయాల‌ని ఇది వ‌ర‌కే అనుకున్నారు. కానీ.. కార్య రూపం దాల్చ‌లేదు. అయితే ఈసారి మాత్రం ఆ ఛాన్స్ ని పూరి వ‌దులుకోవాల‌నుకోవ‌డం లేదు. త్వ‌ర‌లోనే ఈ కాంబోనే ఓ అధికారిక ప్ర‌క‌ట‌న రానుంది.
