రంగ‌స్థ‌లంలో యాంక‌ర్ భామ అన‌సూయ‌కు ఓ మంచి అవ‌కాశం ఇచ్చాడు సుకుమార్. రంగ‌మ్మ‌త్త‌గా అన‌సూయ విజృంభించేసింది. ఆసినిమాతో అన‌సూయ‌కు కొత్త ఫ్యాన్ ఫాలోయింగ్ ఏర్ప‌డింది. ఇప్పుడు అదే పంథాలో త‌న కొత్త సినిమా `పుష్ష`లో మ‌రో యాంక‌ర్ సుమ‌కి సుకుమార్ స‌రికొత్త ఆఫ‌ర్ ఇచ్చాడ‌ని ప్ర‌చారం మొద‌లైంది. సుమ యాంక‌ర్ గా సుప‌రిచితురాలు. కొన్ని సినిమాలూ చేసింది. కాక‌పోతే.. యాంక‌ర్‌గా వ‌చ్చిన పేరు న‌టిగా మాత్రం రాలేదు. సుమ కూడా న‌ట‌న కంటే యాంక‌రింగ్‌పైనే దృష్టి పెట్టి ఆ రంగంలో నెంబ‌ర్ వ‌న్ అయ్యింది. అలాంటి సుమని మ‌ళ్లీ వెండి తెర‌పైకి తీసుకొచ్చే ప్ర‌య‌త్నం చేస్తున్న‌ట్టు వార్త‌లొచ్చాయి.
వీటిపై సుమని సంప్ర‌దిస్తే… `అలాంటిదేం లేదు..` అని తేల్చేసింది. ద‌ర్శ‌క నిర్మాత‌లు కూడా ఆ వార్త‌ల్లో రిజం లేద‌ని తేల్చేశారు. మొత్తానికి తెలిసిందేంటంటే సుమ ఈసినిమాలో న‌టించ‌డం లేదు. అలాంటి ఆఫ‌ర్ కూడా సుమ‌కి రాలేదు. కాక‌పోతే అన‌సూయ‌కు మాత్రం ఓ అదిరిపోయే పాత్ర ద‌క్కింది. మ‌ళ్లీ రంగ‌మ్మ‌త్త మ్యాజిక్ క్రియేట్ చేయ‌డానికి సుకుమార్ గ‌ట్టి ప్లాన్ చేస్తున్నాడు. మ‌రి ఈ వార్త ఎలా పుట్టిందో మ‌రి?!
