మ‌హేష్‌బాబు – ప‌ర‌శురామ్ కాంబినేష‌న్‌లో ఓ చిత్రం తెర‌కెక్కుతోంది. `స‌ర్కారువారి పాట‌` అనే పేరు ఈ సినిమా కోసం ప‌రిశీలిస్తున్నారు. ఇప్ప‌డు ఓ శ‌క్తిమంత‌మైన విల‌న్ కోసం అన్వేషిస్తోంది చిత్ర‌బృందం. మ‌హేష్ బాబు సినిమాల్లో ఇది వ‌ర‌కు క‌నిపించ‌ని న‌టుడైతే బాగుంటుంద‌న్న‌ది ద‌ర్శ‌క నిర్మాత‌ల ఆలోచ‌న‌. వాళ్లంద‌రి దృష్టిలో ఉన్న న‌టుడు ఉపేంద్ర‌. క‌న్న‌డ‌లో ఉపేంద్ర ఓ స్టార్‌. తెలుగులోనూ త‌న సినిమాలు విడుద‌య‌ల్యాయి. స‌న్నాఫ్ స‌త్య‌మూర్తి లాంటి క‌థ‌ల‌కు ఉపేంద్ర మూల‌స్థంభ‌మై నిలిచాడు. ఉపేంద్ర అయితే… ఈ క‌థ‌కు మ‌రింత న్యాయం జ‌రుగుతుంద‌ని ప‌ర‌శురామ్ భావిస్తున్నాడు. మ‌రోవైపు మ‌హేష్ బాబు కూడా ఓకే అనేయ‌డంతో ఇప్పుడు ప‌ర‌శురామ్ ఉపేంద్ర‌తో సంప్ర‌దింపులు జ‌రుపుతున్న‌ట్టు తెలుస్తోంది. ఉపేంద్ర కూడా స‌రే అంటే… మ‌హేష్ సినిమాలో విల‌న్ సెట్ట‌యిన‌ట్టే.