ప్ర‌భాస్ – రాధాకృష్ణ కాంబినేష‌న్‌లో ఓ సినిమా తెర‌కెక్కుతోంది. పూజా హెగ్డే క‌థానాయిక‌. ఈ సినిమాకి సంబంధించిన అప్ డేట్ కోసం ప్ర‌భాస్ అభిమానులు ఆవురావురుమంటూ ఎదురు చూస్తున్నారు. ఈ సినిమా ఫ‌స్ట్ లుక్ ఇప్ప‌టి వ‌ర‌కూ బ‌య‌ట‌కు రాలేదు. టైటిల్ కూడా చెప్ప‌లేదు. `జాన్‌`, `రాధే శ్యామ్‌` పేర్లు ప‌రిశీల‌న‌లో ఉన్నాయి. అయితే చిత్ర‌బృందం అధికారికంగా ధృవీక‌రించ‌లేదు. ఈ నెల‌లోనే ఫ‌స్ట్ లుక్‌, టైటిల్ విడుద‌ల చేస్తార‌ని తెలుస్తోంది. ప్ర‌స్తుతం అందుకు సంబంధించిన క‌స‌ర‌త్తులు జ‌రుగుతున్నాయి. జాన్‌, రాధేశ్యామ్‌.. పేర్లు రెండూ బాగా న‌లిగిపోయాయి. ప్ర‌భాస్‌సినిమా మొద‌లెన‌ప్ప‌టి నుంచీ జానూ పేరు ప‌ల‌వ‌రిస్తూనే ఉన్నారు జ‌నాలు. అందుకే ఆ టైటిల్ ప్ర‌క‌టించినా కొత్త ఫీల్ ఏమీ అనిపించ‌దు. రాధే శ్యామ్ కూడా టెస్టింగ్ టైటిల్ అన్న‌ట్టు తెలుస్తోంది. ఇవి రెండూ కాకుండా కొత్త పేరు ప్ర‌క‌టించే అవ‌కాశాలున్నాయి. టైటిల్ ఎప్పుడైతే బ‌య‌ట‌కు వ‌చ్చిందో, అప్ప‌టి నుంచీ క్ర‌మంగా అప్‌డేట్లు ఇవ్వాల‌ని యూవీ క్రియేష‌న్స్ భావిస్తోంది. సో ప్ర‌భాస్ అభిమానుల‌కు ఇక పండ‌గే.