జూన్ 10… బాల‌కృష్ణ పుట్టిన రోజు. ఈసారి పుట్టిన రోజు ప్ర‌త్యేక‌త ఏమిటంటే.. ఇది ఆయ‌న ష‌ష్టి పూర్తి మ‌హోత్స‌వ సంవ‌త్స‌రం. అందుకే ఈ పుట్టిన రోజుని కాస్త ప్ర‌త్యేకంగా జ‌రుపుకోవాల‌ని బాల‌య్య భావిస్తున్న‌ట్టు టాక్‌. ఈనెల 10న ఆయ‌న ఓ విందు కూడా ఇవ్వ‌బోతున్నార‌ని తెలుస్తోంది. లాక్ డౌన్ నేప‌థ్యంలో విందు, వినోదాల‌కు ప‌రిమితులున్నాయి. త‌క్కువ సంఖ్య‌లోనే అతిథులు హాజ‌ర‌వ్వాలి. ఆ లెక్క‌లు వేసుకునే బాల‌య్య‌.. విందు ఇవ్వ‌బోతున్నార‌ని స‌మాచారం. ప‌రిశ్ర‌మ‌లోని త‌న‌కు అత్యంత స‌న్నిహితుల్ని, కుటుంబ స‌భ్యుల్ని ఆహ్వానిస్తున్నార్ట‌. మ‌రి ఈ విందుకు చిరంజీవికి ఆహ్వానం ఉందా? ఉంటే ఆయ‌న వ‌స్తారా? అనేది ఆస‌క్తిని రేకెత్తిస్తోంది.

`ప‌రిశ్ర‌మ‌లోనే నేను క్లోజ్ గా ఉండేది ఒక్క చిరంజీవితోనే` అని బాల‌య్య ఓ సంద‌ర్భంలో చెప్పారు. మేమిద్ద‌రం మంచి స్నేహితులం అని అటు చిరు, ఇటు బాల‌య్య ఇద్ద‌రూ ప‌దే ప‌దే చెబుతుంటారు. కానీ ఈమ‌ధ్య వ్య‌వ‌హారాలు అలా లేవు. ముఖ్యంగా `ఆస్తులు పంచుకుంటున్నారా` అనే బాల‌య్య కామెంట్ ప‌రోక్షంగా చిరుకి త‌గిలేదే. దానికి తోడు మెగా బ్ర‌ద‌ర్ నాగ‌బాబు వ్యాఖ్య‌లు అగ్గిమీద గుగ్గిలం రేపాయి. ఈ నేప‌థ్యంలో చిరు – బాల‌య్య‌ల క‌ల‌యిక త‌ప్ప‌కుండా ఆస‌క్తి క‌లిగించేదే. ఒక వేళ నిజంగా వీరిద్ద‌రూ క‌లిస్తే… త‌ప్ప‌కుండా ప‌రిశ్ర‌మ‌కు, ఇరు హీరోల అభిమానుల‌కు ఓ చ‌క్క‌టి సంకేతం పంపిన‌ట్టు అవుతుంది. ఇద్ద‌రి మ‌ధ్య ఉన్న గ్యాప్ తొల‌గిపోతుంది. దానికి తోడు ప‌రిశ్ర‌మ‌లో నెల‌కున్న ఓ అనారోగ్య క‌ర‌మైన వాతావ‌ర‌ణానికి చెక్ పెట్టిన‌ట్టు అవుతుంది. ఛాయిస్ బాల‌య్య‌దే.