ఈనెల 10న నంద‌మూరి బాల‌కృష్ణ పుట్టిన రోజు. సాధార‌ణంగా స్టార్‌హీరోల పుట్టిన రోజుల‌కు వాళ్ల కొత్త సినిమాల‌కు సంబంధించిన ఫ‌స్ట్‌లుక్కో, టీజ‌రో విడుద‌ల అవుతాయ‌ని అభిమానులు ఆశిస్తుంటారు. ద‌ర్శ‌క నిర్మాత‌లు కూడా త‌మ సినిమా ప్ర‌చారానికి అదే సుముహూర్త‌మ‌ని భావిస్తుంటారు. ప్ర‌స్తుతం బాల‌య్య బోయ‌పాటి శ్రీ‌నుతో ఓ సినిమా చేస్తున్నాడు. దానికి సంబంధించిన టైటిల్ బ‌య‌ట‌కు వ‌స్తుందేమో అన్న‌ది అంద‌రి ఆశ‌. అయితే.. పుట్టిన రోజున ఇలాంటి ఆర్భాటాలేం వ‌ద్ద‌ని బాల‌య్య బోయ‌పాటికి చెప్పేశాడ‌ట‌. ఫ‌స్ట్ లుక్ విడుద‌ల చేయ‌డానికి కూడా బాల‌య్య ఒప్పుకోవ‌డం లేద‌ని టాక్‌. ఇది వ‌ర‌కు బాల‌య్య‌పై కొన్ని ఫొటో షూట్లు నిర్వ‌హించారు. వాటికి సంబంధించిన స్టిల్స్ ఫ‌స్ట్ లుక్‌గా విడుద‌ల చేయాల‌ని బోయ‌పాటి భావించారు. అయితే… ఇప్పుడు ఆ ప్ర‌య‌త్నం విరమించుకున్న‌ట్టు తెలుస్తోంది. టైటిల్ విష‌యంలో బోయ‌పాటి ఇంకా ఓ క్లారిటీకి రాలేద‌ని స‌మాచారం. అందుకే టైటిల్‌నీ చెప్ప‌డం లేదు. సో.. ఈ ష‌ష్టిపూర్తి నాడు బాల‌య్య కొత్త సినిమాకు సంబంధించిన వార్త‌లేం బ‌య‌ట‌కు వ‌చ్చే అవ‌కాశాల్లేన‌ట్టే.