మహేష్ బాబు – ప‌ర‌శురామ్ కాంబినేష‌న్ లో తెర‌కెక్క‌బోతున్న చిత్రం ‘స‌ర్కారు వారి పాట’. మహేష్ పుట్టిన రోజున ఫ‌స్ట్ లుక్ కూడా విడుద‌ల చేశారు. ఆగ‌స్టు – సెప్టెంబ‌రులో షూటింగ్ మొద‌ల‌య్యే ఛాన్సుంది. ప్ర‌ధాన కథానాయిక‌గా కీర్తి సురేష్ పేరు ప్ర‌ముఖంగా వినిపిస్తోంది. ఇందులో మ‌రో క‌థానాయిక‌కీ చోటుంద‌ట. ఆ పాత్ర‌లో నివేదా థామ‌స్ న‌టిస్తుంద‌ని టాక్‌. నివేదా చేతిలో కొన్ని హిట్స్ ఉన్నాయి. ఇటీవ‌ల బ్రోచేవారెవ‌రురాతో మంచి హిట్టు కొట్టింది నివేదా. `జై ల‌వ కుశ`లో ఎన్టీఆర్ తోనూ న‌టించింది. అయితే బిగ్ లోకి మాత్రం చేర‌లేక‌పోయింది. స్టార్ హీరోల సినిమాలో అవ‌కాశాలు వ‌చ్చినా, చెప్పుకోద‌గిన పాత్ర‌లు ద‌క్క‌క‌పోవ‌డంతో నివేదా పాపుల‌ర్ అవ్వ‌డం లేదు. అయితే ఈసారి మహేష్ సినిమాలో త‌న‌కి మంచి పాత్ర ద‌క్కింద‌ని, ప్ర‌ధాన నాయిక కాక‌పోయినా, ఆ స్థాయిలో మెప్పించే అవ‌కాశం ఈ సినిమాతో ద‌క్క‌బోతోంద‌ని స‌మాచారం. త‌మ‌న్ ఈ చిత్రానికి సంగీతం అందించ‌బోతున్నాడు. ఇది వ‌ర‌కే మ్యూజిక్ సిట్టింగ్స్ కూడా మొద‌లైపోయాయి.
మహేష్ సినిమాలో.. నివేదా?
