దిగ్గజ దర్శకుడు, తెలుగు సినిమాకు కలర్ ఫుల్ రంగులద్దిన దర్శక ధీరుడు కె.రాఘవేద్రరావు.. శిరిడి సాయి సినిమా తర్వాత కొంతకాలం విరామం తీసుకున్న రాఘవేంద్రరావు ప్రస్తుతం తన శిష్యులు చేస్తున్న సినిమాలను చూస్తూ కాలం వెళ్లబుచ్చుతున్నారు. ఇక నాగార్జునతో మరో భక్తి రస చిత్ర తీస్తున్నారని వినిపించినా దానికి సంబందించిన కార్యక్రమాలేవి ముందుకు జరుగలేదు. అయితే ఈ మధ్య రాఘవేంద్రరావు ఓ సినిమాలో మెరవనున్నారని మీడియా హడావిడి చేసింది.
సతీష్ వేగేశ్న దర్శకత్వంలో దిల్ రాజు నిర్మాతగా వస్తున్న సినిమా ‘శతమానం భవతి’. వరుస సక్సెస్ లతో దూసెకెళ్తున్న యువ కెరటం రాజ్ తరుణ్ హీరోగా నటిస్తున్న ఈ సినిమాలో రాఘవేంద్రరావు హీరో తాత క్యారక్టర్ లో నటిస్తున్నారని అన్నారు. కాని చిత్ర యూనిట్ చెబుతున్న మాటల ప్రకారం ఈ సినిమా దర్శకేంద్రుడు లేరని.. అసలు ఆ పాత్ర కోసం ఆయన్ను సంప్రదించలేదని వివరణ ఇచ్చారు. సినిమాలో ఆ పాత్రకు చాలా ప్రాముఖ్యత ఉండటంతో రాఘవేంద్రరావు చేత ఆ పాత్ర చేయిస్తున్నారని.. తెలిసింది కాని అవన్ని రూమర్స్ అని క్లారిటీ ఇచ్చేశారు.
ప్రస్తుతం ప్రి ప్రొడక్షన్ వర్క్ జరుపుకుంటున్న ఈ సినిమా త్వరలో మొదలవనున్నది. రాజ్ స్పీడ్ కు బ్రేక్ వేసిన సీతమ్మ అందాలు రామయ్య సిత్రాలు సినిమా తన మొదటి మూడు సినిమాలంత జోష్ ఇవ్వకపోయినా ‘శతమానం భవతి’ మీద చాలా నమ్మకంతో ఉన్నాడు రాజ్ తరుణ్.
