ఈమ‌ధ్య విడుద‌లైన చిత్రాల‌లో `ప‌లాస‌` అంద‌రి దృష్టినీ ఆక‌ర్షించింది. విమ‌ర్శ‌కుల్ని మెప్పించింది. ఈ సినిమాలో షావుకారుగా చ‌క్క‌టి న‌ట‌న క‌న‌బ‌రిచి ఆశ్చ‌ర్య‌ప‌రిచాడు ర‌ఘు కుంచె. స్వ‌త‌హాగా సంగీత ద‌ర్శ‌కుడైన ర‌ఘు కుంచెకి అప్పుడ‌ప్పుడూ మేక‌ప్ వేసుకుని న‌టుడిగా మారిన అనుభ‌వం ఉంది. కానీ… ఇంత పూర్తి స్థాయి పాత్ర‌లో ఎప్పుడూ క‌నిపించ‌లేదు. ప‌లాస ఎఫెక్ట్ తో ర‌ఘుకి ఇప్పుడు మంచి అవ‌కాశాలు వ‌స్తున్నాయి. నెట్‌ఫ్లిక్స్ రూపొందించే ఓ వెబ్ సిరీస్ లో రఘుకి కీల‌క పాత్ర దొరికిన‌ట్టు స‌మాచారం. అంతే కాదు.. త్వ‌ర‌లోనే ప‌ట్టాలెక్క‌బోతున్న ఓ బ‌యోపిక్ లో ర‌ఘుకి మంచి పాత్ర ప‌డింద‌ట‌. అది ఓ రాజ‌కీయ‌నాయ‌కుడి బ‌యోపిక్ అని, ఓ ప్రముఖ ద‌ర్శ‌కుడు ఈ బ‌యోపిక్ ప‌నుల్లో బిజీగా ఉన్నాడ‌ని తెలుస్తోంది. మ‌రోవైపు నిర్మాత‌గానూ ర‌ఘు కుంచె కొన్ని ప్ర‌య‌త్నాలు చేస్తున్నాడు. జీ 5లో విడుద‌లైన `47 డేస్‌`కి త‌నే నిర్మాత‌. స‌త్య‌దేవ్ క‌థానాయ‌కుడిగా న‌టించాడు. స‌త్య‌దేవ్‌తోనే ర‌ఘు మ‌రో సినిమాని ప‌ట్టాలెక్కించే ప్ర‌య‌త్నాల్లో ఉన్నాడ‌ని టాక్‌.