బాల‌కృష్ణ – బోయ‌పాటి శ్రీ‌ను కాంబినేష‌న్‌లో ఓ సినిమా రెడీ అవుతోంది. క‌థానాయిక ఎవ‌ర‌న్న‌ది ఇంకా ఫైనల్ అవ్వ‌లేదు. బ‌య‌ట చాలా పేర్లు ప్ర‌చారంలో ఉన్నాయి. అయితే వారెవ‌రూ కాద‌ని…. చిత్ర‌బృందం క్లారిటీ ఇచ్చేసింది. “హీరోయిన్ గురించి మీడియాలో చాలా చ‌ర్చ జ‌రుగుతోంది. చాలా పేర్లు బ‌య‌ట‌కు వ‌చ్చాయి. కానీ వాళ్లెవ‌రూ కాదు. ఈ సినిమాలో ఒక‌రే హీరోయిన్. ఇప్ప‌టికే ఇద్ద‌రిని ఫైన‌ల్ చేశాం. వాళ్ల‌లో ఒక‌రిని త్వ‌ర‌లోనే ఖ‌రారు చేస్తాం. టైటిల్ కూడా రెడీనే. కానీ.. ఇప్పుడే చెప్పం. ప‌రిస్థితులు బాలేవు. హీరోయిన్ పేరు, టైటిల్ మంచి రోజు చూసుకుని ప్ర‌క‌టిస్తాం“ అని బోయ‌పాటి శ్రీ‌ను తెలిపారు. ఈ చిత్రంలో బాల‌య్య పాత్ర రెండు కోణాల్లో సాగుతుంది. అఘోరాగానూ ఆయ‌న క‌నిపించ‌నున్నారు. బాల‌కృష్ణ పుట్టిన రోజున విడుద‌ల చేసిన టీజ‌ర్‌కి మంచి స్పంద‌న వ‌చ్చింది. అందులో బాల‌య్య గెట‌ప్ కూడా అభిమానుల్ని ఆక‌ట్టుకుంది. అఘోరాగా బాల‌య్య ఎలా ఉంటాడో మ‌రి.