ప్ర‌భాస్ – రాధాకృష్ణ కాంబినేష‌న్‌లో ఓ సినిమా ప‌ట్టాలెక్కుతున్న సంగ‌తి తెలిసిందే. ఎప్పుడో కొబ్బ‌రికాయ కొట్టుకున్న సినిమా ఇది. అయితే ఈ సినిమాకి సంబంధించి ఫ‌స్ట్ లుక్‌, టైటిల్ ఏదీ బ‌య‌ట‌కు రాలేదు. అదిగో – ఇదిగో అంటున్నారు త‌ప్ప‌, అస‌లు ఆ హ‌డావుడే లేదు. ప్ర‌భాస్ పుట్టిన రోజులు వ‌చ్చి, వెళ్లిపోయినా.. చిత్ర‌బృందం కామ్ గా ఉంది. నిర్మాణ సంస్థ యూవీ క్రియేష‌న్స్ పై ప్ర‌భాస్ అభిమానులు అలిగారు కూడా. అయినా వాళ్లేం ప‌ట్టించుకోలేదు.

ఇంత కాలానికి ప్ర‌భాస్ సినిమా నుంచి ఓ అప్ డేట్ వ‌చ్చింది. ప్ర‌భాస్ సినిమాకి సంబంధించిన టైటిల్‌, ఫ‌స్ట్ లుక్ ఈనెల 10న ఉద‌యం 10 గంట‌ల‌కు ప్ర‌క‌టిస్తామ‌ని యూవీ క్రియేష‌న్స్ చెప్పేసింది. ఈ సినిమా కోసం రాధే శ్యామ పేరు గ‌ట్టిగా వినిపిస్తోంది. దాదాపుగా అదే ఖాయం కావొచ్చు. ఫ‌స్ట్ లుక్ కూడా గ్రాండ్ గా ఉండొచ్చు. ఇదో ల‌వ్ స్టోరీ. కాబ‌ట్టి.. దానికి త‌గ్గ‌ట్టే ఫ‌స్ట్ లుక్ రిలీజ్ చేసే అవ‌కాశాలున్నాయి. ఈ సినిమా కోసం హైద‌రాబాద్ లో ఓ భారీ సెట్ నిర్మిస్తున్నారు. అందులోనే కొత్త షెడ్యూల్ మొద‌లు కానుంది.