ఇటీవ‌లే ఓటీటీలో విడుద‌లైంది.. ‘పెంగ్విన్‌’. కీర్తి సురేష్ న‌టించిన ఈసినిమాకి రివ్యూలూ, రేటింగులూ ఆశాజ‌న‌కంగా లేవు. కానీ… వ్యూవ‌ర్ షిప్ మాత్రం బాగానే వ‌చ్చింది. తెలుగు, త‌మిళ‌, మ‌ల‌యాళ భాష‌ల్లో ఒకేసారి విడుద‌ల కావ‌డం వ‌ల్ల‌, ఆయా భాష‌ల్లో కీర్తికి మంచి గుర్తింపు ఉండ‌డం వ‌ల్ల – జ‌నాలు బాగానే చూశారు. దాంతో కీర్తి న‌టించిన మ‌రో సినిమాలు కూడా ఇప్పుడు ఓటీటీ వైపు చూస్తున్నాయి.

కీర్తి చేసిన ‘గుడ్ ల‌క్ స‌ఖీ’, ‘మిస్ ఇండియా’ దాదాపుగా పూర్త‌య్యాయి. మిస్ ఇండియా అయితే ఏప్రిల్ లో విడుద‌ల కావాల్సింది. కానీ.. లాక్ డౌన్ వ‌ల్ల కుద‌ర‌లేదు. ఇప్పుడు ఈ చిత్రాలు ఓటీటీకి వెళ్లే ఛాన్సుంద‌ని తెలుస్తోంది. నా సినిమాల్నీ ఓటీటీలో విడుద‌ల చేయ‌డానికి నాకెలాంటి అభ్యంత‌రం లేద‌ని కీర్తి గ్రీన్ సిగ్న‌ల్ ఇచ్చేసింది. దాంతో నిర్మాత‌లు ఓటీటీ సంస్థ‌ల‌తో చ‌ర్చ‌లు మొద‌లెట్టారు. ‘మిస్ ఇండియా’ నిర్మాత మ‌హేష్ కోనేరు ఓ ఓటీటీ సంస్థ‌తో సంప్ర‌దింపులు మొద‌లెట్టార‌ని త్వ‌ర‌లోనే ఓటీటీలో ప్ర‌ద‌ర్శితం కానున్న‌ద‌ని వార్త‌లొస్తున్నాయి.