అల్లు అర్జున్ – సుకుమార్‌ల హ్యాట్రిక్ సినిమా ‘పుష్ష‌’. ఈ సినిమా కోసం విజ‌య్ సేతుప‌తిని విల‌న్ గా ఎంచుకున్నారు. కొన్ని కార‌ణాల వ‌ల్ల విజ‌య్ ఈ సినిమా నుంచి త‌ప్పుకున్నాడు. ఆ స్థానంలో బాబీ సింహా వ‌చ్చి చేరాడు. విజ‌య్ సేతుప‌తి రెమ్యున‌రేష‌న్ ఇవ్వ‌లేక త‌న‌ని ఈ ప్రాజెక్టు నుంచి త‌ప్పించార‌న్న టాక్ న‌డుస్తోంది. మ‌రికొంత‌మందైతే, ఈ సినిమాని త‌మిళంలో కూడా విడుద‌ల చేయ‌డం విజ‌య్‌కి ఇష్టం లేద‌ని, ఎందుకంటే త‌మిళంలో హీరో ఇమేజ్ ఉన్న త‌న‌పై ఈ త‌ర‌హా పాత్ర‌లు నెగిటీవ్ రిజ‌ల్ట్ ని తీసుకొచ్చే ప్ర‌మాదం ఉంద‌ని విజ‌య్ భావించాడ‌ని… చెప్పుకుంటున్నారు.

అయితే వీటిపై విజ‌య్ సేతుప‌తి ఇప్పుడు స్పందించాడు. కేవ‌లం కాల్షీట్ల స‌మ‌స్య‌తోనే ఈ సినిమా నుంచి తాను త‌ప్పుకున్నాన‌ని, చివ‌రి క్ష‌ణం వ‌ర‌కూ ఈ టీమ్ తో క‌ల‌సి ప‌నిచేయాల‌ని భావించాన‌ని, కానీ కుద‌ర్లేద‌ని చెప్పుకొచ్చాడు. ఈ క‌థ‌, అందులోని త‌న పాత్ర బాగా న‌చ్చాయ‌ని, కానీ… ఇది వ‌ర‌కే ఒప్పుకున్న సినిమాల వ‌ల్ల‌, పుష్ష నుంచి అయిష్టంగానే త‌ప్పుకోవాల్సివ‌చ్చింద‌న్నాడు. సుకుమార్ ద‌ర్శ‌క‌త్వంలో త‌ప్ప‌కుండా న‌టిస్తాన‌న్న న‌మ్మ‌కం వ్య‌క్తం చేశాడు. సుకుమార్ డైరెక్ష‌న్ లో విజ‌య్ చేయ‌క‌పోయినా, నిర్మాత‌గా వ్య‌వ‌హ‌రించిన ‘ఉప్పెన‌’లో విజ‌య్ విల‌న్ గా న‌టించేశాడు. ఆ సినిమా త్వ‌ర‌లోనే విడుద‌ల కానుంది.