కొన్ని కార‌ణాల వ‌ల్ల‌ జ‌బ‌ర్‌ద‌స్త్ నుంచి త‌ప్పుకున్నాడు నాగ‌బాబు. `అదిరింది` షోని జ‌బ‌ర్‌ద‌స్త్ కి ధీటుగా తీర్చిదిద్దాల‌ని విఫ‌ల య‌త్నాలు చేశాడు. కానీ కుద‌ర్లేదు. ఇప్పుడు సొంతంగా ఓ కామెడీ షోని నిర్వ‌హించాల‌ని డిసైడ్ అయ్యాడు. `మన ఛాన‌ల్ మ‌న ఇష్టం` అనే యూ ట్యూబ్ ఛాన‌ల్ లో కొత్త టాలెంట్ ని ప్రోత్స‌హిస్తూ, ఓ షో చేయ‌బోతున్నాడు. అందుకోసం ఎంట్రీల‌ను కూడా ఆహ్వానిస్తున్నాడు. త్వ‌ర‌లోనే… ఇందుకు సంబంధించిన ఓ ప్ర‌క‌ట‌న రాబోతోంది. దాంతో పాటు మ‌రో కామెడీ షో కూడా చేయాల‌ని నాగ‌బాబు భావిస్తున్నాడు. స్టాండ‌ప్ కామెడీకి సంబంధించిన షో ఇది. ఈ రెండు కామెడీ షోలూ.. ‘మ‌న ఛాన‌ల్ మ‌న ఇష్టం’ అనే ఛాన‌ల్‌లోనే ప్ర‌సారం అవుతాయి. ఇందులోనూ టీమ్ లీడ‌ర్లు ఉంటారు. జ‌బ‌ర్ ద‌స్త్‌, అదిరింది షోల‌తో పాపుల‌ర్ అయిన వాళ్లే టీమ్ లీడ‌ర్‌లుగా కొన‌సాగుతారు. వాళ్ల టీమ్ లో కొత్త వాళ్లు వ‌చ్చి చేర‌తారు. ఇదీ నాగ‌బాబు ప్లానింగ్‌. కొత్త వాళ్ల‌ని ప్రోత్స‌హించిన‌ట్టూ ఉంటుంది. దాంతో పాటు త‌న‌కంటూ ఓ షోని జ‌నం ముందుకు తీసుకెళ్లిన‌ట్టూ ఉంటుంది. మ‌రి `అదిరింది` షోలో నాగ‌బాబు ఎప్ప‌టిలా పాల్గొంటారా? లేదంటే దాన్ని ప‌క్క‌న పెడ‌తారా? అనేది మాత్రం తెలియాల్సివుంది.