‘ఆర్‌.ఆర్‌.ఆర్‌’ షూటింగ్ అప్ డేట్ కోసం అటు చ‌ర‌ణ్‌, ఇటు తారక్ అభిమానులు ఆస‌క్తిగా ఎదురు చూస్తున్నారు. ఎలాగైనా స‌రే, షూటింగ్ మొద‌లెట్టాల‌ని రాజ‌మౌళి భావిస్తున్నా, ప‌నులు ముందుకు సాగ‌డం లేదు. ప్ర‌స్తుత ప‌రిస్థితుల దృష్ట్యా రిస్క్ చేయ‌డం అటు రాజ‌మౌళికి గానీ, ఇటు చ‌ర‌ణ్‌, ఎన్టీఆర్ ల‌కు గానీ ఏమాత్రం ఇష్టం లేదు. అలాగ‌ని `ఆర్‌.ఆర్‌.ఆర్‌` ప‌నులేం సాగ‌డం లేద‌ని కాదు. తెర వెనుక చేయాల్సిన ప‌నుల‌న్నీ రాజ‌మౌళి పూర్తి చేస్తూనేఉన్నారు.

ఈ సినిమాకి సంబంధించిన యానిమేష‌న్ పార్ట్‌.. ప్ర‌స్తుతం జ‌రుగుతోంద‌ని స‌మాచారం. క‌థ‌లో కొన్ని స‌న్నివేశాల్ని యానిమేష‌న్‌కి రూపంలో చూపించ‌బోతున్నార్ట‌. ఆయా స‌న్నివేశాలకు సంబంధించిన ప‌నులు ఇప్పుడు జ‌రుగుతున్నాయి. కొమ‌రం భీమ్‌, అల్లూరి నేప‌థ్యాల‌ను రాజ‌మౌళి యానిమేష‌న్ లో ప్రేక్ష‌కుల‌కు వివ‌రించ‌బోతున్నార్ట‌. క్లైమాక్స్ లో కూడా కొమ‌రం, అల్లూరి ఎవ‌రెవ‌రు ఏయేదారుల్లో స్వాతంత్య్ర పోరాటం చేశారు? ఎవ‌రి ముద్ర ఏమిటి? అనే విష‌యాల్ని కూడా యానిమేష‌న్ లో చూపించ‌బోతున్నార్ట‌. ఆయా స‌న్నివేశాలు ఇప్పుడు పూర్త‌వుతున్నాయి. ఈ సినిమాలో గ్రాఫిక్స్ కి కూడా చోటుంది. ఇప్ప‌టికే తీసిన కొన్ని స‌న్నివేశాల్ని గ్రాఫిక్స్ స్టూడియోల‌కు పంపేశారు రాజ‌మౌళి. వాటికి సంబంధించిన ప‌ర్య‌వేక్ష‌ణ ప‌నులు కూడా సాగుతున్నాయ‌ని స‌మాచారం.