ప్ర‌భాస్ తో వైజ‌యంతీ మూవీస్ ఓ చిత్రాన్ని నిర్మిస్తోంది. నాగ్ అశ్విన్ ద‌ర్శ‌కుడు. ఈ సినిమాకి సంబంధించిన ఓ ఆస‌క్తిక‌ర‌మైన అప్ డేట్‌ని ఇస్తాన‌ని నిన్న‌నే వైజ‌యంతీ మూవీస్ ప్ర‌క‌టించింది. దాని కోసం ప్ర‌భాస్ అభిమానులు ఆస‌క్తిగా ఎదురు చూశారు. ఇప్పుడు ఆ అప్ డేట్ వ‌చ్చేసింది. ప్ర‌భాస్ ప‌క్క‌న కథానాయిక ఎవ‌రో తెలిసిపోయింది. ఈ చిత్రంలో దీపికా ప‌దుకొణెని క‌థానాయిక‌గా ఎంచుకున్నామ‌ని.. చిత్ర‌బృందం ప్ర‌క‌టించింది. ప్ర‌భాస్ తో దీపిక క‌లిసి న‌టిస్తుంద‌ని ముందే బ‌య‌ట‌కు హింట్ వ‌చ్చేసింది. అయితే మ‌ధ్య‌లో దీపిక త‌ప్పుకుంద‌న్న వార్త‌లూ వ‌చ్చాయి. మొత్తానికి దీపిక‌ను ఒప్పించింది చిత్ర‌బృందం. పాన్ ఇండియా స్థాయిలో తెర‌కెక్కిస్తున్న చిత్ర‌మిది. హీరోయిన్ గా బాలీవుడ్ భామే వ‌స్తుంద‌ని ముందు నుంచీ అనుకుంటూనే ఉన్నారు. చివ‌రికి ముంబై హీరోయిన్ నే ర‌ప్పించారు. ఈ చిత్రంలో ప్ర‌భాస్ ద్విపాత్రాభిన‌యం చేస్తున్నాడ‌ని వార్త‌లొస్తున్నాయి. వీటిపై చిత్ర‌బృందం ఇప్ప‌టి వ‌ర‌కూ స్పందించ‌లేదు.