లాక్ డౌన్ స‌మ‌యాన్ని బాగా వాడుకున్నాడు శౌర్య‌. ఇంట్లోనే ఉంటూ.. కండ‌ల‌కు ప‌ని చెప్పాడు. ఇప్పుడు సిక్స్ ప్యాక్ తెచ్చుకున్నాడు. త‌న కొత్త సినిమాకి ఇలాంటి బాడీ షేప్ అవ‌స‌రం కూడా. శౌర్య క‌థానాయ‌కుడిగా సంతోష్ జాగ‌ర్ల‌మూడి ద‌ర్శ‌క‌త్వంలో ఓ చిత్రం రూపుదిద్దుకుంటోంది. నార్త్ స్టార్ ఎంట‌ర్‌టైన్‌మెంట్స్ సంస్థ నిర్మిస్తోంది. ఈ సినిమాకి సంబంధించిన ఫ‌స్ట్ లుక్ ఈ రోజు విడుద‌లైంది. ఇందులో శౌర్య ఆర్చ‌రీ క్రీడాకారుడిగా న‌టిస్తున్నాడు. దానికి త‌గ్గ‌ట్టే ఫ‌స్ట్ లుక్ డిజైన్ చేశారు. సిక్స్ ప్యాక్ బాడీతో.. బాణం సంధిస్తున్నాడు శౌర్య‌. త‌న లుక్ మాస్ కి న‌చ్చేలా ఉంది. ఈ చిత్రానికి `బాణం` అనే పేరు ప‌రిశీలిస్తున్నారు. ఇప్ప‌టికే ఈ పేరుతో ఓ సినిమా వచ్చేసింది. ప్ర‌స్తుతానికి అది వ‌ర్కింగ్ టైటిల్ అనుకోవాలి. ప్రేమ‌క‌థా చిత్రాల‌కు కేరాఫ్‌గా నిలిచిన శౌర్య‌.. ఈ స్పోర్ట్స్ డ్రామాని ఎంత వ‌ర‌కూ ర‌క్తి క‌ట్టిస్తాడో చూడాలి.