మ‌న్మ‌థుడు 2 త‌ర‌వాత నాగార్జున సినిమా ఏదీ తెర‌పైకి రాలేదు. `వైల్డ్ డాగ్‌` సెట్స్‌పై ఉంది. ఈలోగా మ‌రో సినిమాకి సంత‌కం చేసేశారు. నాగార్జున క‌థానాయ‌కుడిగా శ్రీ వెంక‌టేశ్వ‌ర సినిమాస్‌, నార్త్ స్టార్ ఎంట‌ర్‌టైన్‌మెంట్స్ ఓ చిత్రాన్ని నిర్మిస్తున్నాయి. ప్ర‌వీణ్ స‌త్తారు ద‌ర్శ‌క‌త్వం వ‌హిస్తారు. గ‌రుడ‌వేగ త‌ర‌వాత‌.. ప్ర‌వీణ్ ద‌ర్శ‌క‌త్వంలో రూపొందుతున్న చిత్ర‌మిదే. ఇది కూడా భారీ యాక్ష‌న్ హంగామాతో తెర‌కెక్కుతోంద‌ని నిర్మాత నారాయ‌ణ్‌దాస్ తెలిపారు. నాగ్ – ప్ర‌వీణ్‌ల కాంబోలో ఓ సినిమా రాబోతోంద‌ని గ‌త కొద్దిరోజులుగా ప్ర‌చారం జ‌రుగుతోంది. ఇప్పుడు అధికారికంగా ధృవీక‌రించారు. ఈయేడాదే ఈ సినిమాని ప‌ట్టాలెక్కిస్తారు. క‌థానాయిక‌, ఇత‌ర సాంకేతిక నిపుణులు వివ‌రాలు త్వ‌ర‌లో వెల్ల‌డిస్తారు.