ఇటీవ‌ల ఆత్మ‌కూరులో త‌ల్లిదండ్రుల్ని కోల్పోయి అనాథ‌లైన ముగ్గురు ప‌సి వాళ్ల క‌థ… తెలుగు రాష్ట్రాల ప్ర‌జ‌ల్ని క‌ల‌చివేసింది. వీళ్ల‌ని ఆదుకోవాల‌ని ఛాన‌ళ్లు ప్ర‌త్యేక క‌థ‌నాల్ని ప్ర‌సారం చేశాయి. ఆ ఛాన‌ళ్ల కృషి ఫ‌లించింది. ఇప్పుడు ఆ ప‌సి హృద‌యాల‌కు స‌హాయం చేయ‌డానికి, వాళ్ల జీవితాల్లో వెలుగు నింప‌డానికి నిర్మాత దిల్ రాజు ముందుకు వ‌చ్చారు. ఆ ముగ్గుర్నీ ద‌త్త‌త తీసుకుంటున్న‌ట్టు దిల్ రాజు ప్ర‌క‌టించారు. “మ‌నోహ‌ర్, లాస్య, య‌శ్వంత్ ల‌ను నా కుటుంబంలోకి ఆహ్వానిస్తున్నాను. ఇక నుంచి వాళ్ల బాధ్య‌త నాది. ఈ విష‌యంలో నాకు స‌హ‌క‌రించిన మంత్రి య‌ర్ర‌బెల్లి ద‌యాక‌ర రావుకి కృత‌జ్ఞ‌త‌లు“ అంటూ ట్విట్ట‌ర్ లో ఓ ప్ర‌క‌ట‌న చేశారు దిల్ రాజు. ఇటీవ‌లే దిల్ రాజు రెండో పెళ్లి చేసుకున్న సంగ‌తి తెలిసిందే. కొత్త జీవితం ప్రారంభించిన దిల్ రాజు – ఇప్పుడు ఓ మంచి ప‌నితో మ‌రో ముగ్గురికీ కొత్త జీవితం అందించారు.
ఆ ముగ్గుర్నీ ద‌త్త‌త తీసుకున్న దిల్ రాజు
