రాజ‌మౌళి ద‌గ్గ‌ర శిష్యుడిగా ప‌నిచేసిన అశ్విన్ గంగ‌రాజు ఇప్పుడు మెగా ఫోన్ ప‌ట్టాడు. ‘ఆకాశవాణి’ సినిమాతో. స‌ముద్ర‌ఖ‌ని కీల‌క పాత్ర పోషించిన ఈ చిత్రానికి కీర‌వాణి త‌న‌యుడు కాల‌భైర‌వ సంగీతం అందిస్తున్నారు. ఇటీవ‌లే ఫ‌స్ట్ లుక్ కూడా విడుద‌లైంది.
అయితే.. తొలి సినిమా కోసం అశ్విన్.. గురువు రాజ‌మౌళి బాట‌లోనే న‌డుస్తున్నాడ‌ని టాక్‌. రాజ‌మౌళి ద‌ర్శ‌క‌త్వంలో వ‌చ్చిన `ఈగ` కాన్సెప్టుకి ఈ సినిమా కాస్త ద‌గ్గ‌ర‌గా ఉంటుంద‌ని తెలుస్తోంది. క‌థానాయ‌కుడి ఆత్మ.. ఈగ‌లోకి వెళ్లి, బ‌ల‌వంతుడైన ఓ ప్ర‌తినాయ‌కుడ్ని ముప్పుతిప్పులు పెట్ట‌డ‌మే `ఈగ` స్టోరీ. `ఆకాశవాణి` కాన్సెప్టు ఇందుకు కాస్త ద‌గ్గ‌ర‌గా ఉంటుంద‌ని తెలుస్తోంది. ఓ రేడియో… ప్ర‌తినాయ‌కుడిపై ప్ర‌తీకారం తీర్చుకుంటే ఎలా ఉంటుంద‌న్న‌ది ఈ సినిమా క‌థ అని స‌మాచారం. రేడియో.. అనేది ప్రాణం లేని వ‌స్తువు. అయినా స‌రే, బ‌ల‌వంత‌మైన ఓ ప్ర‌త్య‌ర్థిని ఎలా ఎదుర్కొంది? అనే విష‌యాన్ని ఆస‌క్తిగా చూపిస్త‌న్నార్ట. రేడియో చుట్టూ తిరిగే క‌థ కాబ‌ట్టి.. దీనికి ఆకాశవాణి అని పేరు పెట్టారు. షూటింగ్ పూర్త‌యింది. త్వ‌ర‌లోనే టీజ‌ర్ ని విడుద‌ల చేస్తున్నారు. టీజ‌ర్ వ‌స్తే.. ఈ క‌థ, కాన్సెప్టుపై ఓ స్ప‌ష్ట‌త వ‌స్తుంది.
