రాజ‌మౌళి శిష్యుడు అశ్విన్ గంగ‌రాజు ద‌ర్శ‌క‌త్వంలో రూపొందిన చిత్రం ‘ఆకాశ‌వాణి’. స‌ముద్ర‌ఖ‌ని కీల‌క పాత్ర‌ధారి. ఈ సినిమా ఓ వెరైటీ కాన్సెప్టుతో తెర‌కెక్కుతోంది. నోరు లేని రేడియో… ఓ భ‌యంక‌ర‌మైన విల‌న్ పై ప్ర‌తీకారం ఎలా తీర్చుకుంద‌న్న‌ది స్టోరీ. దాన్ని గంగ‌రాజు ఎలా చూపిస్తాడో మ‌రి..? రాజ‌మౌళి త‌న‌యుడు కార్తికేయ నిర్మాత‌గా వ్య‌వ‌హ‌రించాడు. ఆర‌కంగా రాజ‌మౌళి సినిమానే ఇది. కాక‌పోతే.. బ‌డ్జెట్ ఎక్క‌డా ప‌రిధులు దాట‌లేదు. రూ3 కోట్ల‌లో సినిమాని ఫినిష్ చేశారు. అంత‌కంటే రూపాయి కూడా ఎక్కువ పెట్ట‌లేదు. ఇప్పుడు ఈ సినిమాని ఓటీటీలో విడుద‌ల చేయ‌డానికి రెడీ అయిన‌ట్టు తెలుస్తోంది. ఓ ప్ర‌ముఖ ఓటీటీ సంస్థ‌తో `ఆకాశ‌వాణి` బృందం సంప్ర‌దింపులు జ‌రుగుతోంది. మంచి రేటు ప‌లుకుతుండ‌డంతో.. ధైర్యంగా ఓటీటీలో విడుద‌ల చేయ‌డానికి రెడీ అవుతున్నారు. అందులోనూ ఇదో ప్ర‌యోగాత్మ‌క చిత్రం. స్టార్లెవ‌రూ లేరు. థియేట‌ర్లో స్పందన ఎలా ఉంటుందో తెలీదు. ఓటీటీరూపంలో పెట్టుబ‌డి కంటే ఎక్కువే వ‌స్తుండ‌డంతో.. ఓటీటీ రిలీజ్ కే మొగ్గు చూపిస్తున్నారు. త్వ‌ర‌లోనే `ఆకాశ‌వాణి` టీజ‌ర్ రానుంది.