ప్ర‌భాస్ త్వ‌ర‌లో ఓ బాలీవుడ్ సినిమా చేయ‌బోతున్నాడ‌ని, టీ సిరీస్ ఈ చిత్రాన్ని నిర్మించ‌నుంద‌ని ఓ వార్త చ‌క్క‌ర్లు కొడుతోంది. ఇందుకు సంబంధించిన ఓ అధికారిక ప్ర‌క‌ట‌న రేపు ఉద‌యం 7 గంట‌ల‌కే రాబోతోంది. ఈ విష‌యాన్ని ప్ర‌భాస్ త‌న ఇన్ స్ట్రా ద్వారా చెప్పేశాడు. రేపటి కోసం ఆస‌క్తిగా ఎదురు చూస్తున్నాని ఇన్ స్ట్రాలో త‌న ఆనందాన్ని అభిమానుల‌తో పంచుకున్నాడు ప్ర‌భాస్. బాలీవుడ్ లో ప్ర‌భాస్ గ్రాండ్ ఎంట్రీ గురించి ఆస‌క్తిక‌ర‌మైన చ‌ర్చ జ‌రుగుతోంది. ప్ర‌భాస్ త్వ‌ర‌లోనే ఓ బాలీవుడ్ మ‌ల్టీస్టార‌ర్ లో న‌టిస్తున్నాడ‌ని, ఈ సినిమా బ‌డ్జెట్ 400 కోట్ల‌కు పైమాటే అని టాక్‌. ఈ సినిమాకి సంబంధించిన ప్ర‌క‌ట‌న మంగ‌ళ‌వారం ఉద‌య‌మే రాబోతోంది. అందులో ఎలాంటి స‌ర్‌ప్రైజ్‌లు ఉంటాయో చూడాలి.