ఈనెల 22 న చిరంజీవి పుట్టిన రోజు. ఈ సంద‌ర్భంగా చిరు కొత్త సినిమాకి సంబంధించిన టీజ‌రో, ఫ‌స్ట్ లుక్కో వ‌స్తుంద‌ని అభిమానులు ఎదురు చూస్తున్నారు. అందుకు సంబంధించిన సన్నాహాల్లో ఉంది చిత్ర‌బృందం. ఈ సినిమాకి సంబంధించిన ఫ‌స్ట్ లుక్‌తో పాటు, మోష‌న్ పోస్ట‌ర్ ని 22న సాయింత్రం 4 గంట‌ల‌కు విడుద‌ల చేస్తున్న‌ట్టు చిత్ర‌బృందం ప్ర‌క‌టించింది. ఈ సినిమా కోసం `ఆచార్య` అనే టైటిల్ పరిశీల‌న‌లో ఉంది. దాన్నేఖ‌రారు చేయొచ్చు. కొర‌టాల శివ ద‌ర్శ‌క‌త్వం వ‌హిస్తున్న ఈ చిత్రంలో కాజ‌ల్ క‌థానాయిక. రామ్ చ‌ర‌ణ్ ఓ కీల‌క పాత్ర పోషిస్తున్నాడు. చ‌ర‌ణ్ కోసం మ‌రో క‌థానాయిక‌ని వెద‌కాల్సివుంది. మ‌ణిశ‌ర్మ సంగీతం అందించ‌నున్నారు. చిరు సినిమా అంటే మ‌ణి ప్ర‌త్యేక‌మైన బాణీలు స‌మ‌కూరుస్తుంటారు. బీజీఎమ్స్‌లోనూ.. మ‌ణి.. మాస్ట‌ర్‌. ఈ మోష‌న్ పోస్ట‌ర్‌కి ఎలాంటి బీజిఎమ్ అందిస్తారో చూడాలి.
