సందీప్ కిష‌న్ నిర్మాత‌గా ఇటీవ‌లే ఓ సినిమా ప్ర‌క‌టించాడు. అదే… `వివాహ భోజ‌నంబు`. రామ్ అబ్బ‌రాజు ద‌ర్శ‌క‌త్వం వ‌హిస్తారు. ఈ సినిమాకి సంబంధించి ఇటీవ‌ల పోస్ట‌ర్‌ని విడుద‌ల చేశాడు. హీరోని మాత్రం దాచి పెట్టాడు. `నాకు బాగా ఇష్ట‌మైన ఓ న‌టుడు.. హీరోగా మారుతున్నాడు` అని హింట్ ఇచ్చాడు. ఇప్పుడు సందీప్ కిష‌న్‌కి ఇష్ట‌మైన ఆ న‌టుడెవ‌రో తెలిసింది.
హాస్య‌న‌టుడు స‌త్య‌ని ఈ సినిమాతో హీరోగా ప‌రిచ‌యం చేయ‌బోతున్నాడ‌ట సందీప్ కిష‌న్. లాక్ డౌన్ స‌మ‌యంలో ఓ పెళ్లి ఇంట జ‌ర‌గిన గోల.. ఈ సినిమా క‌థ. స్క్రిప్టు త‌యారైపోయింది. త్వ‌ర‌లోనే సెట్స్‌పైకి తీసుకెళ్తారు. సింగిల్ షెడ్యూల్ లో ఈ సినిమా పూర్తి చేయాల‌న్న‌ది సందీప్ కిష‌న్ ఉద్దేశం. ఆ త‌ర‌వాత.. ఓటీటీకి అమ్మాల‌నే ప్లాన్ లో ఉన్నాడు. సందీప్ సినిమా `నిను వీడ‌ని నీడ‌ను నేను` కి కూడా సందీప్ నే నిర్మాత. ఇప్పుడు త‌న నుంచి వ‌స్తున్న రెండో ప్రాజెక్టు ఇది.
