ప్ర‌శాంత్ వ‌ర్మ ద‌ర్శ‌కత్వంలో తెర‌కెక్కుతున్న చిత్రం `జాంబీరెడ్డి`. హీరో ఎవ‌ర‌న్న‌ది ఇప్ప‌టి వ‌ర‌కూ సస్పెన్స్‌గా ఉంచారు. ఇటీవ‌లే ఫ‌స్ట్‌లుక్ విడుద‌ల చేశారు. చిరంజీవి బొమ్మ‌ని చొక్కాకి ప్రింట్ వేసుకున్న హీరో ఫొటోని చూపించారు. కానీ… హీరో అటు తిరిగి ఉండ‌డంతో.. అత‌నెవ‌రో తెలీలేదు. ఈరోజు.. ఆ హీరో కాస్త ఫేస్ ట‌ర్న్ ఇచ్చుకున్నాడు. దాంతో హీరో ఆ చిరు అభిమాని ఎవర‌న్న‌ది అర్థ‌మైంది. త‌నే.. తేజ‌.

బాల న‌టుడిగా తేజ ప‌రిచ‌య‌మే. దాదాపు 50 చిత్రాల్లో బాల న‌టుడిగా మెప్పింంచాడు. `ఇంద్ర‌` సినిమాలో చిన్న‌ప్పటి చిరంజీవిగా న‌టించింది తేజ‌నే. ఇటీవ‌ల `ఓ బేబీ`లో కీల‌క పాత్ర పోషించాడు. ఇప్పుడు హీరో అయిపోయాడు. `జాంబీరెడ్డి`తో. మ‌రోవైపు… ప్ర‌శాంత్ వ‌ర్మ అందించిన మ‌రో క‌థ‌లోనూ.. తేజ హీరోగా న‌టిస్తున్నాడు. మ‌ల్లిక్ రామ్ ద‌ర్శ‌క‌త్వం వ‌హిస్తున్న ఈచిత్రంలో శివానీ రాజ‌శేఖ‌ర్ క‌థానాయిక‌గా న‌టిస్తోంది. ఈ రెండు చిత్రాల‌తో యువ హీరోల జాబితాలో తేజ స్థానం సంపాదించుకుంటాడేమో చూడాలి.