బాక్సాఫీసు రికార్డుల్లానే, టీఆర్పీ రికార్డుల‌కూ పెద్ద పీట వేస్తోంది చిత్ర‌సీమ. టీవీల్లో సినిమాని ఎంత మంది చూశారు? ఎంత రేటింగ్ వ‌చ్చింది? అనేదాపైనా అభిమానులు ఆస‌క్తిగా ఎదురు చూస్తుండ‌డంతో టీఆర్‌పీరేటింగుల‌పై ధ్యాస పెరిగింది. తాజాగా టాలీవుడ్ లో `అల వైకుంఠ‌పుర‌ములో` టీఆర్‌పీల ప‌రంగా కొత్త రికార్డు సృష్టించింది. ఇటీవ‌ల జెమినీలో ఈ సినిమా టెలీకాస్ట్ అయ్యింది. ఏకంగా 29..4 రేటింగు సంపాదించింది. తెలుగు సినిమాల‌కు సంబంధించినంత వ‌ర‌కూ ఇదే రికార్డ్. ఇది వ‌ర‌కు బాహుబ‌లి సిరీస్ సినిమాలు ఎక్కువ రేటింగు సంపాదించుకున్న సినిమాల జాబితాలో మొద‌టి స్థానంలో ఉండేవి. ఆ త‌ర‌వాత.. స‌రి లేరు నీకెవ్వ‌రు కూడా ఆ జాబితాలో చేరింది. ఇప్పుడు `అల వైకుంఠ‌పుర‌ములో` రికార్డ్ బ్రేక్ చేసింది. సాధార‌ణంగా త్రివిక్ర‌మ్ సినిమాల‌కు మంచి టీఆర్‌పీలు వ‌స్తాయి. అత‌డు, ఖ‌లేజా లాంటి సినిమాలు టీవీల్లో ఎన్నిసార్లు చూడ్డానికైనా ప్రేక్ష‌కులు సిద్ధంగానేఉంటారు. పైగా సంక్రాంతికి విడుద‌లై.. సూప‌ర్ హిట్టు కొట్టిన సినిమా ఇది. కాబ‌ట్టే… ఇంత రేటింగు.
టీఆర్‌పీల్లో నెం.1 `అల వైకుంఠ‌పురం`
