కొంత‌మంది హీరోల‌కు ఉన్న‌ట్టే.. కొంత‌మంది హీరోయిన్లూ డెర‌క్ష‌న్‌పై గురి ఉంది. నిత్య‌మీన‌న్ మెగాఫోన్ ప‌ట్టాల‌ని ఎప్ప‌టి నుంచో అనుకుంటోంది. ఈమ‌ధ్య నివేదా థామ‌స్ కూడా ద‌ర్శ‌క‌త్వ‌పు క‌ల‌లు కంటోంది. `నేను ద‌ర్శ‌కురాలినవుతా` అంటూ ఈమ‌ధ్య ప్ర‌క‌టించింది నివేదా. ఆ ప్ర‌య‌త్నాలు ఎంత వ‌ర‌కూ వ‌చ్చాయి అని అడిగితే… ”నేను ద‌ర్శ‌క‌త్వం వ‌హిస్తా అన‌గానే నిర్మాత‌లు రెడీ అయిపోరు క‌దా. నా అవ‌కాశాల్ని నేనే సంపాదించుకోవాలి. ముందు షార్ట్ ఫిల్మ్స్ చేస్తా. ద‌ర్శ‌కురాలిగా నేనేంటి? ఏం చేయ‌గ‌ల‌ను? అనే విష‌యాల్ని షార్ట్ ఫిల్మ్స్ ద్వారా ప‌రీక్షించుకుంటా. ఆ త‌ర‌వాతే.. సినిమా ద‌ర్శ‌క‌త్వం గురించి ఆలోచిస్తా. ఈలోగా… నేను హీరోయిన్ గా చేస్తున్న ప్రాజెక్టులు కొన్నున్నాయి. అవి పూర్తి చేయాలి. కొన్ని క‌థ‌లు కూడా సిద్ధం చేసుకుంటున్నా” అంటోంది. తాను న‌టించిన `వి` సెప్టెంబ‌రు 5న అమేజాన్ లో విడుద‌ల అవుతోంది. ఈ సినిమాపైచాలా ఆశ‌లు పెట్టుకుంది నివేదా. ఇందులో ఓ న‌వ‌లా ర‌చ‌యిత్రిగా క‌నిపించ‌బోతోంది. ”ఈ సినిమాలో అపూర్వ అనే పాత్ర‌లో క‌నిపిస్తా. న‌వ‌లా ర‌చ‌యిత్రిని. నా పాత్ర నాకు బాగా న‌చ్చింది. విన‌యంతో పాటు.. దూకుడు స్వ‌భావం గ‌ల పాత్ర అది. మీకూ త‌ప్ప‌కుండా న‌చ్చుతుంది” అని చెప్పుకొచ్చింది నివేదా.
షార్ట్ ఫిల్మ్స్ చేస్తానంటున్న క‌థానాయిక
