ద‌ర్శ‌కులు అప్పుడ‌ప్పుడూ – మ‌రో సినిమాకి క‌థ, మాట‌లు అందించ‌డం ఇప్పుడు ట్రెండ్ గా మారింది. తాజాగా హ‌రీష్ శంక‌ర్ కూడా క‌థా ర‌చ‌యిత‌గా మారాడు. సునీల్ సినిమా కోసం. 14 రీల్స్ ప‌తాకంపై సునీల్ క‌థానాయ‌కుడిగా ఓ సినిమా రూపుదిద్దుకుంటోంది. ఈ చిత్రానికి హ‌రీష్ శంక‌ర్ స‌మ‌ర్ప‌కుడిగా వ్య‌వ‌హ‌రిస్తున్నాడు. `వేదాంతం రాఘ‌వ‌య్య‌` అనే టైటిల్ ని నిర్ణ‌యించారు. ద‌ర్శ‌కుడెవ‌ర‌న్న‌ది తేలాలి. 14 రీల్స్‌ల ఓ హ‌రీష్ శంక‌ర్ ద‌ర్శ‌క‌త్వం వ‌హించిన `గ‌ద్ద‌ల కొండ గ‌ణేష్‌` మంచి విజ‌యాన్ని సాధించింది. ఆ సినిమాకి ప‌ని చేస్తున్న‌ప్పుడే.. హ‌రీష్ ఈ లైన్ చెప్పాడ‌ట‌. అది 14 రీల్స్‌కి బాగా న‌చ్చింది. సునీల్ అయితే హీరోగా బాగుంటాడ‌ని త‌న‌నే హీరోగా ఎంచుకున్నారు. ద‌ర్శ‌కుడు, ఇత‌ర సాంకేతిక నిపుణుల వివ‌రాలు త్వ‌ర‌లో వెల్ల‌డవుతాయి.