‘మ‌హాన‌టి’తో తెలుగులో బ‌యోపిక్‌ల‌పై ఆస‌క్తి మ‌ళ్లీ మొద‌లైంది. తెలుగులో చాలా బయోపిక్లు తెర‌కెక్కాయి. అయితే ప్రేక్ష‌కుల మ‌న‌సుల్లో ముద్రించుకుపోయేలా ఏదీ మిగ‌ల్లేదు. కానీ.. బ‌యోపిక్ ల ప్ర‌వాహం ఆగ‌లేదు. కొంత‌మంది క‌థానాయిక‌లు కూడా ప్ర‌త్యేకంగా బ‌యోపిక్‌ల‌పై దృష్టి సారిస్తున్నారు. ఆ జాబితాలో రష్మిక కూడా చేరిపోతుంది. ఇటీవ‌ల త‌న అభిమాల్ని ఉద్దేశించి `నేను శ్రీ‌దేవి బ‌యోపిక్‌లో న‌టిస్తే బాగుంటుందా? సౌంద‌ర్య బ‌యోపిక్ చేస్తే బాగుంటుందా?` అనే ఓ ప్ర‌శ్న అడిగింది. చాలామంది అభిమానులు `శ్రీ‌దేవి బ‌యోపిక్ అయితేనే బాగుంటుంది` అని స‌ల‌హా ఇచ్చారు. `నాక్కూడా అదే అనిపిస్తోంది` అని స‌మాధానం ఇచ్చింది రష్మిక.
ఇదంతా స‌ర‌దా సంభాష‌ణే. కాక‌పోతే… రష్మిక మ‌న‌సు బ‌యోపిక్‌ల‌పై ప‌డింద‌న్న‌ది మాత్రం స్ప‌ష్టం. ఇటీవ‌ల కొంత‌మంది క‌థానాయిక‌లు బ‌యోపిక్‌ల‌పై మ‌రింత దృష్టి పెడుతున్నారు. త‌మ‌లోని న‌టిని పూర్తి స్థాయిలో ఆవిష్క‌రించుకోవ‌డానికి బయోపిక్లు ఓ మార్గం అని న‌మ్ముతున్నారు. రష్మిక ఇప్ప‌టి వ‌ర‌కూక‌మ‌ర్షియ‌ల్ సినిమాలే చేసింది. అయినా అందులోనూ త‌న మార్క్ చూపించింది. న‌ట‌న‌కు ప్రాధాన్య‌మిస్తూ ఓ పూర్తి స్థాయి సినిమా చేయాల‌ని రష్మిక భావిస్తే… అందులో ఆశ్చ‌ర్యం ఏమీ లేదు. పైగా శ్రీ‌దేవి బ‌యోపిక్ పై చాలా రోజుల నుంచీ చ‌ర్చ న‌డుస్తోంది. ఆ పాత్ర కోసం ఎవ‌రైతే బాగుంటారు? అనే కోణంలో అన్వేషిస్తున్నారు కూడా. వాళ్లంద‌రికీ `నేను కూడా ఓ ఆప్ష‌న్‌` అనే సంకేతాల్ని పంప‌గ‌లిగింది. చూద్దాం.. ఇలాంటి ఆఫ‌ర్ తో రష్మిక ని ఎవ‌రైనా సంప్ర‌దిస్తారేమో..?
