ద‌ర్శ‌కుడు శివ నిర్వాణ‌పై మ‌ణిర‌త్నం ప్ర‌భాగం గ‌ట్టిగా ఉన్న‌ట్టుంది. `మౌన‌రాగం` సినిమాని కాస్త అటూ ఇటూ మార్చి `మ‌జిలీ`గా తీశాడు. ఇప్పుడు `ఘ‌ర్ష‌ణ‌`ని రీపేర్లు చేసి `ట‌క్ జ‌గ‌దీష్‌`గా మార్చిన‌ట్టు టాక్‌. మ‌ణిర‌త్నం నుంచి వ‌చ్చిన మ‌రో క్లాసిక్ `ఘ‌ర్ష‌ణ‌`. స‌వ‌తి సోద‌రుల పోరు ఈ సినిమా. `ట‌క్ జ‌గ‌దీష్‌` కూడా అలాంటి క‌థే అని తెలుస్తోంది. ఓ తండ్రి, ఇద్ద‌రు భార్య‌ల‌కు పుట్టిన కొడుకుల క‌థ ఇద‌ని స‌మాచారం. అందులో ఓ సోద‌రుడు.. నాని అయితే, మ‌రో సోద‌రుడు జ‌గ‌ప‌తిబాబు అని స‌మాచారం. ఇద్ద‌రి మ‌ధ్య వైరం, చివ‌రికి వాళ్లిద్ద‌రూ ఎలా ఒక్క‌ట‌య్యారు? అనే పాయింట్ పై ఈ సినిమా న‌డుస్తుంద‌ని టాక్. అక్టోబ‌రులో ఈ సినిమా కొత్త షెడ్యూల్ ప్రారంభం కానుంది. రాజ‌మండ్రి నేప‌థ్యంలో సాగే క‌థ ఇది. శివ నిర్వాణ మిడిల్ క్లాస్ జీవితాల్ని తెర‌పై బాగా ఆవిష్క‌రించ‌గ‌ల‌డు. ఈ సినిమాలోనూ అలాంటి ట‌చ్ ఉండ‌బోతోంద‌ట‌.