`వి`లో త‌న కండ‌ల‌తో ఆక‌ట్టుకున్నాడు సుధీర్ బాబు. సినిమా ఫ‌లితం ఎలా ఉన్నా , సుధీర్ క‌ష్టం వృధా కాలేదు. త‌న‌కైతే లుక్ ప‌రంగా మంచి పేరే వ‌చ్చింది. ఇప్పుడు మ‌రో కొత్త సినిమాకి సంత‌కం చేసేశాడు సుధీర్‌. `ప‌లాస‌`తో ఆక‌ట్టుకున్న క‌రుణ కుమార్ క‌థ‌కు సుధీర్ ఓకే చెప్పేశాడు. 70ఎం.ఎం. ఎంట‌ర్‌టైన్‌మెంట్స్ సంస్థ ఈ చిత్రాన్ని నిర్మించ‌నుంది. సుధీర్ బాబుతో `భ‌లే మంచి రోజు` సినిమా తీసింది ఈ నిర్మాణ సంస్థే. క‌థ సిద్ధ‌మైపోయింది. ఇప్పుడు ప్రీ ప్రొడ‌క్ష‌న్ ప‌నులు కూడా ప్రారంభ‌మైపోయాయి. ఒక‌ట్రెండు రోజుల్లో అధికారిక ప్ర‌క‌ట‌న వ‌చ్చేస్తుంది. `ప‌లాస‌` ఓ పొలిటిక‌ల్ డ్రామా. సినిమాలో రా నెస్ ఎక్కువ‌. అయితే.. ఈసారి పూర్తి స్థాయి క‌మ‌ర్షియ‌ల్ క‌థ‌ని రాసుకున్నాడ‌ట క‌రుణ కుమార్‌. పూర్తి వివ‌రాలు త్వ‌ర‌లో వెల్ల‌డ‌వుతాయి.