ప్ర‌స్తుతం `మెస్ట్ ఎలిజిబుల్ బ్యాచిల‌ర్‌`గా మారాడు అఖిల్. బొమ్మ‌రిల్లు భాస్కర్ ద‌ర్శ‌కుడు. చిత్రీక‌ర‌ణ తుది ద‌శ‌కు చేరుకుంది. ఆ త‌ర‌వాత‌… అఖిల్ చేయ‌బోయే సినిమా కూడా ఇప్పుడు ఖ‌రారైపోయింది. అఖిల్ – సురేంద‌ర్ రెడ్డి కాంబినేష‌న్ లో ఓ సినిమా రాబోతోంద‌ని ప్ర‌చారం జ‌రుగుతోంది. ఈ సినిమాకి సంబంధించిన అధికారిక ప్ర‌క‌ట‌న ఇప్పుడు వ‌చ్చేసింది. ఏకే ఎంట‌ర్‌టైన్‌మెంట్స్ సంస్థ ఈ చిత్రాన్ని నిర్మించ‌నుంది. సెప్టెంబ‌రు 9న ఉద‌యం 9 గంట‌ల 9 నిమిషాల 9 సెక‌న్ల‌ను ఓ అప్‌డేట్ ఇస్తామ‌ని ప్ర‌క‌టించిన ఏకే ఎంట‌ర్‌టైన్మెంట్స్‌.. అఖిల్ సినిమాకి సంబంధించిన అధికారిక ప్ర‌క‌ట‌న విడుద‌ల చేసింది. రామ‌బ్ర‌హ్మం సుంక‌ర ఈ చిత్రానికి నిర్మాత‌. క‌థానాయిక‌, ఇత‌ర సాంకేతిక నిపుణుల వివ‌రాల్ని త్వ‌ర‌లోనే ప్ర‌క‌టిస్తారు.