ప్ర‌భాస్ క‌థానాయ‌కుడిగా వైజ‌యంతీ మూవీస్ ఓ చిత్రాన్ని నిర్మిస్తోంది. నాగ అశ్విన్ ద‌ర్శ‌కుడు. ఇప్ప‌టికే క‌థానాయిక‌గా దీపికా ప‌దుకొణెని ఎంచుకున్నారు. ఇప్పుడు మ‌రో ప్ర‌త్యేక ఆక‌ర్ష‌ణ చేరింది. ఈ చిత్రంలో బాలీవుడ్ సూప‌ర్ స్టార్ అమితాబ్ బ‌చ్చ‌న్ కీ చోటు ద‌క్కింది. ఈ విష‌యాన్ని చిత్ర‌బృందం అధికారికంగా ప్ర‌క‌టించింది. పాన్ ఇండియా స్థాయిలో తెర‌కెక్కేచిత్ర‌మిది. అందుకే.. ఈ బాలీవుడ్ దిగ్గ‌జాన్ని తెలుగులోకి తీసుకొచ్చారు. ఇటీవ‌ల `సైరా`లో ఓ కీల‌క పాత్ర‌లో న‌టించారు బిగ్ బీ. ఇప్పుడు ప్ర‌భాస్ సినిమాకీ ఓకే చెప్పేశారు. అమితాబ్ రాక‌తో.. ఈ ప్రాజెక్ట్ కి మ‌రింత ఆక‌ర్ష‌ణ వ‌చ్చిన‌ట్టైంది. రాబోయే రోజుల్లో ఈ చిత్ర‌బృందం మ‌రిన్ని స‌ర్‌ప్రైజ్ లు ఇవ్వ‌బోతోంది. మ‌రెంత మంది స్టార్లు ఈ ప్రాజెక్టు కోసం జ‌త క‌డ‌తారో చూడాలి.