పెళ్లి సంద‌డి… చిన్న సినిమాల్లో ఇదో సంచ‌ల‌నం. అతి పెద్ద మ్యూజిక‌ల్ హిట్. ద‌ర్శ‌కేంద్రుడి మాయాజాలం. ఇప్పుడు మ‌రోసారి ఆ పెళ్లి సంద‌డిని చూపించ‌బోతున్నారు రాఘ‌వేంద్ర‌రావు. ఆయ‌న ద‌ర్శ‌క‌త్వంలో రూపొంద‌నున్న చిత్రం `పెళ్లి సంద‌డి`.

ద‌ర్శ‌కేంద్రుడు మ‌ళ్లీ మెగాఫోన్ ప‌ట్ట‌బోతున్నార‌ని, ఓ చిత్రానికి ద‌ర్శ‌క‌త్వం వ‌హిస్తార‌ని ప్ర‌చారం జ‌రుగుతోంది. దానికి తోడు.. రాఘ‌వేంద్ర‌రావు కూడా ఓ అప్ డేట్ ఇవ్వ‌బోతున్నా అని ఊరించారు. ఆ అప్ డేట్ వ‌చ్చేసింది. `పెళ్లి సంద‌డి` సినిమా రాబోతోంద‌ని రాఘ‌వేంద్ర‌రావు ప్ర‌క‌టించారు. ఈ చిత్రానికి కీర‌వాణి సంగీతం అందించనున్నారు. శివ‌శ‌క్తిద‌త్తా, చంద్ర‌బోస్ సాహిత్యం స‌మ‌కూరుస్తారు. మ్యూజిక్ సిట్టింగ్స్ ప్రారంభ‌మ‌య్యాయి. త్వ‌ర‌లోనే న‌టీన‌టులు, సాంకేతిక నిపుణుల వివ‌రాలు ప్ర‌క‌టిస్తారు. ఆర్కా మీడియా సంస్థ ఈ చిత్రాన్ని నిర్మించ‌నుంది.