వెంకటేష్‌, వ‌రుణ్‌తేజ్ క‌థానాయ‌కులుగా న‌టించిన చిత్రం `ఎఫ్ 2`. అనిల్ రావిపూడి ద‌ర్శ‌క‌త్వం వ‌హించిన ఈ చిత్రం మంచి విజ‌యాన్ని అందుకుంది. ఇప్పుడు ఎఫ్ 3కి రంగం సిద్ధం అవుతోంది. అయితే.. ఇప్పుడీ చిత్రానికి ఓ అరుదైన గౌర‌వం ల‌భించింది. ఇండియ‌న్ ప‌నోర‌మాలో ఈ చిత్రానికి చోటు ద‌క్కింది. 2019కి గానూ వివిధ భాషలకు చెందిన 26 సినిమాలకు అవార్డులు కేంద్ర సమాచార ప్రసారశాఖ ప్రకటించింది. అందులో చోటు ద‌క్కించుకున్న ఏకైన తెలుగు సినిమా ఎఫ్ 2. ఈ పుర‌స్కారం ల‌భించ‌డం ప‌ట్ల చిత్ర‌బృందం సంతోషం వ్య‌క్తం చేసింది. స్వ‌చ్ఛ‌మైన వినోదానికి ద‌క్కిన గౌర‌వం అని… అనిల్ రావిపూడి త‌న సంతోషాన్ని వ్యక్తం చేశారు.