న‌టుడిగా విభిన్న‌మైన మార్క్ సంపాదించుకున్నాడు అవ‌స‌రాల శ్రీ‌నివాస్‌. ద‌ర్శ‌కుడిగానూ త‌న ప్ర‌త్యేక‌త చాటుకుంటూనే ఉన్నాడు. రొమాంటిక్ కామెడీ ఎంట‌ర్‌టైన్‌మెంట్స్ ని తీస్తూ… మంచి పేరే తెచ్చుకున్నాడు. ఊహ‌లు గుస‌గుస‌లాడే, జ్యో అత్యుతానంద చిత్రాలు అవ‌స‌రాల ప్ర‌తిభ‌కు అద్దం ప‌ట్టాయి. ప్ర‌స్తుతం నాగ‌శౌర్య‌తో ఓ సినిమా చేస్తున్నాడు అవ‌స‌రాల‌. ఇప్పుడు నాని కోసం ఓ క‌థ త‌యారు చేస్తున్నాడ‌ట‌. అవ‌స‌రాల – నాని మంచి మిత్రులు. `అష్టాచ‌మ్మా`లో ఇద్ద‌రూ ఒకేసారి హీరోలుగా ఎంట్రీ ఇచ్చారు. అవ‌స‌రాల‌ది సున్నిత‌మైన కామెడీ టైమింగ్. అది నానికీ బాగా న‌ప్పుతుంది. ఇటీవ‌ల నానికి ఓ లైన్ వినిపించాడ‌ట అవ‌స‌రాల‌. అది నానికి బాగా న‌చ్చింద‌ని, `త్వ‌ర‌లోనే క‌లిసి చేద్దాం` అని నాని మాటిచ్చాడ‌ని తెలుస్తోంది. నాని చేతిలో ప్ర‌స్తుతం రెండు మూడు సినిమాలున్నాయి. అవ‌స‌రాల కూడా మెల్లిగా సినిమాలు చేసే టైపు. నాగ శౌర్య సినిమా పూర్తి చేసి, నాని సినిమాపై ఫోక‌స్ పెట్టేలోగా.. నాని కూడా త‌న చేతిలోని ప్రాజెక్టులు పూర్తి చేసుకుంటాడు. సో.. ఈ కాంబో సెట్ట‌యిపోయిన‌ట్టే.