టాలీవుడ్ లోని బ‌డా హీరోలంద‌రితోనూ సినిమాలు తీశాడు దిల్ రాజు. అయితే ఒక‌ప్ప‌టి అగ్ర హీరోలు చిరంజీవి, బాల‌కృష్ణ‌ ల‌తో మాత్రం సినిమాలు రాలేదు. చిరంజీవితో సినిమా చేయాల‌ని గ‌త కొంత‌కాలంగా భావిస్తున్నాడు దిల్ రాజు. ఇప్ప‌టికి అందుకు మార్గం సుగ‌మం అయ్యింద‌ని టాక్‌. దిల్ రాజు బ్యాన‌ర్ శ్రీ వెంక‌టేశ్వ‌ర క్రియేషన్స్‌లో చిరంజీవి ఓ సినిమా చేయ‌డానికి ఒప్పుకున్నార‌ని తెలుస్తోంది. చిరంజీవి చేతిలో ఇప్పుడు నాలుగు సినిమాలున్నాయి. `ఆచార్య‌` త‌ర‌వాత లూసీఫ‌ర్‌, వేదాళం రీమేక్‌లు ఉన్నాయి. లూసీఫ‌ర్‌, వేదాళం రీమేక్‌ల‌కు నిర్మాత‌లు ఖ‌రారైపోయారు. బాబితో సినిమా సురేష్ ప్రొడ‌క్ష‌న్స్‌లో ఉండొచ్చు. ఆ త‌ర‌వాత చిరు సినిమా దిల్ రాజు బ్యాన‌ర్‌లోనే అని తెలుస్తోంది. దిల్ రాజు బ్యాన‌ర్‌లో ఓ సినిమా చేయ‌డానికి ఇటీవ‌లే బోయ‌పాటి శ్రీ‌ను ఒప్పుకున్నారు. వీలైతే ఈ కాంబినేష‌న్‌ని సెట్ చేయాల‌ని దిల్ రాజు భావిస్తున్న‌ట్టు తెలుస్తోంది. చిరుకి స‌రిప‌డ క‌థ‌ల కోసం దిల్ రాజు అన్వేషిస్తున్నారు. ఆ క‌థ ఎవ‌రు చెప్పినా – ఆ కాంబో సెట్ చేయాల‌న్న‌ది ఆయ‌న ప్లాన్.