నాగ‌చైత‌న్య – విక్ర‌మ్ కె.కుమార్ కాంబినేష‌న్‌లో `థ్యాంక్యూ` అనే చిత్రం ఇటీవ‌లే క్లాప్ కొట్టుకుంది. దిల్ రాజు నిర్మాత‌. మిగిలిన న‌టీన‌టుల వివ‌రాలేం ఇప్ప‌టి వ‌ర‌కూ బ‌య‌ట‌కు చెప్ప‌లేదు. అయితే.. ఇందులో ముగ్గురు క‌థానాయిక‌లు ఉంటార‌ని టాక్‌. ఓ క‌థానాయిక‌గా ప్రియాంకా అరుల్ మోహ‌న్ ని ఎంచుకున్న‌ట్టు స‌మాచారం.

విక్ర‌మ్ – నాని కాంబినేష‌న్లో వ‌చ్చిన `గ్యాంగ్ లీడ‌ర్`తో ప్రియాంక తెలుగు తెర‌కు ప‌రిచ‌యం అయ్యింది. అందం, అభిన‌యం ప‌రంగా ప్రియాంక ఓకే అనిపించుకుంది. అయితే ఆ సినిమా బాక్సాఫీసు ద‌గ్గ‌ర నిల‌బ‌డ‌క‌పోవ‌డంతో ప్రియాంక‌కు అవ‌కాశాలు రాలేదు. దాంతో మ‌ళ్లీ విక్ర‌మ్ మ‌రో ఛాన్స్ ఇవ్వాల‌ని భావిస్తున్నాడ‌ట‌. మిగిలిన ఇద్ద‌రు అమ్మాయిల్లో ఒక‌రు స్టార్ హీరోయిన్ అయ్యే ఛాన్సుంద‌ని స‌మాచారం. ఈ ముగ్గురు హీరోయిన్ల వివ‌రాల్ని చిత్ర‌బృందం త్వ‌ర‌లో ప్ర‌క‌టించ‌నుంది.