నాగశౌర్య – అనీష్ కృష్ణ కాంబినేష‌న్ లో ఓ చిత్రం రూపొందుతున్న సంగ‌తి తెలిసిందే. ఐరా క్రియేష‌న్స్ ఈ చిత్రాన్ని నిర్మిస్తోంది. ఇందులో క‌థానాయిక‌గా షెర్లీ సేఠియాని ఎంచుకున్నారు. బాలీవుడ్ లో షెర్లీ మ‌హా ఫేమ‌స్‌. పాప్ సింగ‌ర్ గా మంచి పేరు తెచ్చుకుంది. అంద‌గ‌త్తై కూడా. ఫోర్బ్స్ ప‌త్రిక ఎంపిక చేసిన‌ అత్యంత ప్ర‌తిభావంతులైన న‌వ‌త‌రం క‌ళాకారుల్లో షెర్లీ కీ స్థానం ద‌క్కింది. ఇప్పుడు ఈ సినిమాతో చిత్ర‌సీమ‌లోకి ఎంట్రీ ఇవ్వ‌బోతోంది. నాగ‌శౌర్య సొంత సినిమా `ఛ‌లో`తో ఇలానే… ర‌ష్మిక‌ని టాలీవుడ్ లోకి తీసుకొచ్చారు. త‌ను సూప‌ర్ స్టార్‌గా ఎదిగింది. మ‌రి.. షెర్లీ జాత‌కం ఎలా ఉంటుందో చూడాలి. మ‌హ‌తి సాగ‌ర్ సంగీతం అందిస్తున్నాడు. ఇదో రొమాంటిక్ ఎంట‌ర్‌టైన‌ర్‌. స్క్రిప్టు పూర్తి స్థాయిలో సిద్ధ‌మైంది. త్వ‌ర‌లోనే ఈ చిత్రాన్ని ప‌ట్టాలెక్కిస్తారు.