మోహ‌న్‌బాబు క‌థానాయ‌కుడిగా తెర‌కెక్కుతున్న చిత్రం.. సన్నాఫ్ ఇండియా. డైమండ్ ర‌త్న‌బాబు ద‌ర్శ‌కుడు. ఇళ‌య‌రాజా సంగీత అందిస్తున్నారు. ఎం.ధ‌ర్మ‌రాజు ఎం.ఏ, పుణ్య‌భూమి నాదేశం త‌ర‌హాలో సాగే క్యారెక్ట‌రైజేష‌న్ ఈ సినిమాలో క‌నిపించ‌బోతోంద‌ట‌. మ‌ళ్లీ ఆ స్థాయిలో ప‌వ‌ర్‌ఫుల్ డైలాగులు మోహ‌న్ బాబు నోటి నుంచి వినిపించ‌బోతున్నాయ‌ట‌. రెండో షెడ్యూల్ ఈ రోజు నుంచి హైద‌రాబాద్‌లో మొద‌లైంది.

ఇందులో క‌థానాయిక‌గా ర‌కుల్ ప్రీత్ సింగ్ న‌టిస్తోంద‌ని పుకార్లు వినిపిస్తున్నాయి. ఇందులో ఏమాత్రం నిజం లేద‌ని రకుల్ పీఆర్‌, ఇటు `స‌న్నాఫ్ ఇండియా` టీమ్ స్ప‌ష్టం చేసింది. `స‌న్నాఫ్ ఇండియా`లో క‌థానాయిక పాత్ర‌నే ఉండ‌ద‌ని తెలుస్తోంది. పూర్తిగా… మోహ‌న్ బాబు పాయింట్ ఆఫ్ వ్యూలో సాగే సినిమా ఇది. హీరోయిన్లూ, డ్యూయెట్లు.. ఇలాంటి వ్య‌వ‌హారాలు ఉండ‌వు. “ర‌కుల్ చేతిలో నాలుగు సినిమాలున్నాయి. అందులో రెండు తెలుగు సినిమాలున్నాయి. అవి మిన‌హా ర‌కుల్ ఏ కొత్త సినిమా ఒప్పుకోలేదు” అని ర‌కుల్ పీఆర్ టీమ్ కూడా స్ప‌ష్టం చేసేసింది.