అల్లు అర్జున్ – సుకుమార్ కాంబినేష‌న్‌లో రూపొందుతున్న చిత్రం `పుష్ష`. నిన్నా మొన్న‌టి వ‌ర‌కూ ఈ సినిమాలో ఒక్క‌డే విల‌న్ అని, ఆ విల‌న్ పాత్ర ఎవ‌రికి ద‌క్కిందో స్ప‌ష్ట‌త లేద‌ని అనుకున్నారు. నిజానికి పుష్ష‌లో 9మంది విల‌న్లున్నార‌ని టాక్‌. అందులో సునీల్‌కీ ఓ పాత్ర ద‌క్కింద‌ట. ముఖేష్‌రుషి, రావు ర‌మేష్‌.. ఇలా ఇప్ప‌టి వ‌ర‌కూ టాలీవుడ్ లో చూసిన కొంత‌మంది విల‌న్లు.. పుష్ష విల‌న్ గ్యాంగ్ లో క‌నిపించ‌నున్నార‌ని, అయితే.. మెయిన్ విల‌న్ ఒక‌డుంటాడ‌ని, ఆయ‌న పేరు ఇంకా ఖ‌రారుచేయ‌లేద‌ని స‌మాచారం.
సునీల్ ఈమ‌ధ్య నెగిటీవ్ క్యారెక్ట‌ర్ల వైపు మొగ్గు చూపిస్తున్నాడు. `డిస్కోరాజా`లో నెగిటీవ్ ట‌చ్ ఉన్న పాత్ర పోషించాడు. అయితే అది త‌న‌కు పెద్ద‌గా ప్ల‌స్ కాలేదు. `క‌ల‌ర్ ఫొటో`లోనూ సునీల్ విల‌న్ గా క‌నిపించాడు. అది కాస్త‌పేరు తీసుకొచ్చింది. సుకుమార్ సినిమాలోనూ సునీల్ ది డిఫ‌రెంట్ త‌ర‌హాలో సాగే విల‌నిజ‌మ‌ని స‌మాచారం. మొత్తానికి పుష్ష‌రాజ్ ఎనిమిదిమంది విల‌న్ల‌తో ఢీ కొట్ట‌బోతున్నాడ‌న్న‌మాట. సుకుమార్… యాక్ష‌న్ స‌రంజామా కోసం బాగానే గ్రౌండ్ ప్రిపేర్ చేసుకున్నాడ‌న్న‌మాట.
