పవన్ క‌ల్యాణ్ పై చుట్టూ ఎన్నో రూమ‌ర్లు పుట్టుకొస్తుంటాయి. అలాంటిదే మ‌రో ఫేక్ వార్త బ‌య‌ట‌కు వ‌చ్చింది. ఇటీవ‌ల పవన్ క‌ల్యాణ్‌కి హైద‌రాబాద్‌లో బోనీ క‌పూర్ ఓ భారీ పార్టీ ఇచ్చార‌ని, ఆ పార్టీలో అజిత్ కూడా ఉన్నాడ‌ని.. ఇండ‌స్ట్రీలోని కీల‌క‌మైన కొంత‌మంది సెల‌బ్రెటీల‌కు మాత్ర‌మే ఈ పార్టీకి ఆహ్వానం అందింద‌ని ఆ వార్త‌ల సారాంశం. `పింక్` సినిమాని పవన్ తెలుగులో `వ‌కీల్ సాబ్‌`గా చేస్తున్న సంగ‌తి తెలిసిందే. పింక్ ని బాలీవుడ్ లో తీసింది.. బోనీక‌పూర్‌నే. దాన్ని త‌మిళంలో అజిత్ హీరోగా తెర‌కెక్కించారు. ఈ నేప‌థ్యంలో `పింక్` హీరోల‌కు బోనీ పార్టీ ఇచ్చాడ‌ని, ఈ పార్టీని అత్యంత ర‌హ‌స్యంగా ఉంచార‌ని, వాటికి సంబంధించిన వీడియోలు, ఫొటోలూ కూడా బ‌య‌ట‌కు రాకుండా జాగ్ర‌త్త ప‌డ్డాని, ఇలాంటి పార్టీలకు ఏమాత్రం ఆసక్తి చూపించిన పవన్ సైతం.. ఈ పార్టీకి హాజ‌ర‌య్యాడ‌ని గుస‌గుస‌లు వినిపించాయి.
దీనిపై బోనీక‌పూర్ పీఆర్ టీమ్ క్లారిటీ ఇచ్చింది. బోనీ ఎవ‌రికీ, ఎలాంటి పార్టీ ఇవ్వ‌లేద‌ని, ఆయ‌న గ‌త రెండు వారాలుగా ముంబైలోనే ఉన్నార‌ని, హైద‌రాబాద్ రాలేద‌ని తేల్చి చెప్పింది. సో.. అస‌లు హైద‌రాబాద్‌లో బోనీ కాలు పెట్ట‌నేలేద‌న్న‌మాట. అలాంటప్పుడు పవన్, అజిత్ ల‌కు పార్టీ ఎవ‌రిచ్చారో??
