మాజీ మంత్రి ఆనం రామనారాయణ రెడ్డి, ఆయన సోదరుడు వివేకానంద రెడ్డి ఇద్దరూ తెదేపాలో చేరితే వారి మరో సోదరుడు ఆనం విజయకుమార్ రెడ్డి వైకాపాలో చేరారు. ఈరోజు ఉదయం జగన్మోహన్ రెడ్డి సమక్షంలో హైదరాబాద్ లోని లోటస్ పాండ్ కార్యాలయంలో వైకాపాలో చేరారు. ఆనం సోదరులు ముగ్గురూ కాంగ్రెస్ పార్టీలోనే ఉండేవారు కానీ వారిలో విజయకుమార్ రెడ్డి మాత్రం తన సోదరులిరువురికీ దూరంగా ఉండేవారు. ఇప్పుడు ఆయన వైకాపాలో చేరడంతో వారితో రాజకీయంగా కూడా దూరం అయినట్లు అయ్యింది. విజయకుమార్ రెడ్డి 2014 ఎన్నికలలో నెల్లూరు గ్రామీణ నియోజక వర్గం నుండి కాంగ్రెస్ పార్టీ తరపున పోటీ చేసి ఓడిపోయారు.