‘ఆచార్య‌’ త‌ర‌వాత‌… ‘వేదాళం’ రీమేక్ మొద‌లెట్ట‌బోతున్నాడు చిరంజీవి. బహుశా.. 2021 మార్చిలో ‘వేదాళం’ సెట్స్‌పైకి వెళ్లొచ్చు. మెహ‌ర్ ర‌మేష్ ఈ చిత్రానికి ద‌ర్శ‌కుడు. 14 రీల్స్ సంస్థ నిర్మిస్తోంది. అయితే.. ఇప్ప‌టికే `వేదాళం` షూటింగ్ మొద‌లైపోయింద‌ని, కొన్ని మాంటేజ్ షాట్లూ ఈ సినిమా కోసం తీసేశార‌ని టాక్‌. కొల‌కొత్తా నేప‌థ్యంలో సాగే సినిమా ఇది. అక్క‌డ ద‌స‌రా బ్ర‌హ్మాండంగా జ‌రుగుతుంది. ఆ నేప‌థ్యంలో చిత్ర‌బృందానికి కొన్ని మాంటేజ్ షాట్లు కావాల్సివ‌చ్చాయి.

అందుకే ఇటీవ‌ల ద‌స‌రా సంద‌ర్భంగా.. చిత్ర‌బృందం కొల‌కొత్తా వెళ్లి, అక్క‌డి ఉత్సవాల‌ను షూట్ చేసి వ‌చ్చింద‌ట‌. ఆ ఫుటేజీని.. `వేదాళం` రీమేక్‌లో వాడుకోబోతున్నారు. ఆ ర‌కంగా… `వేదాళం` రీమేక్ మొద‌లైపోయిన‌ట్టే. 2021 ద‌స‌రా లోపు ఈ సినిమాని పూర్తి చేయాల‌ని భావిస్తున్నార్ట‌. అందుకే ఇప్పుడే ఆ ఉత్స‌వాల్ని క‌వ‌ర్ చేసి, ముందు జాగ్ర‌త్త‌గా దాచి పెట్టుకున్నారు. ఈ సినిమాలో చిరు గుండు గెట‌ప్‌లో క‌నిపించ‌బోతున్నారు. లాక్ డౌన్ స‌మ‌యంలో చిరు గుండుతో లుక్ టెస్ట్ కూడా చేయించుకున్న సంగ‌తి తెలిసిందే. చిరు చెల్లాయి పాత్ర‌లో కీర్తి సురేష్ దాదాపు ఖాయ‌మైంది. మిగిలిన వివ‌రాలు త్వ‌ర‌లో వెల్ల‌డ‌వుతాయి.