తెలుగు ప్రేక్షకుల్లో ఉన్న మంచి క్వాలిటీ ఏంటంటే.. ఏ సినిమా అయినా చాలా కొత్తగా ప్రెజెంట్ చేస్తే దాన్ని తప్పకుండా ఆదరిస్తారు. అయితే ఆ ప్రయత్నంలో ఎలాంటి మిస్ టేక్స్ ఉండకుండా దర్శక నిర్మాతలు జాగ్రత్త పడితే చాలు ఇక దాని సంగతి ప్రేక్షకులే చూసుకుంటారు. ఇంతకీ ఏ సినిమా గురించి ఈ స్పీచ్ అంతా మీరు అనుకోవచ్చు ఇక దేని గురించి ఉంటుంది పివిపి బ్యానర్ నుండి వస్తున్న ‘క్షణం’ గురించే.
‘క్షణం’ ట్రైలర్ రిలీజ్ అయిన కొద్దిరోజులకే 3 లక్షల వ్యూయర్ కౌంట్ రావడం స్టార్ హీరోలకు సైతం ఆశ్చర్యంలో ముంచెత్తేలా చేస్తుంది. కేవలం కంటెంట్ బేస్డ్ మూవీగా వస్తున్న ఈ సినిమా ట్రైలర్ సూపర్ స్టార్ మహేష్, సమంతలు కలిసి రిలీజ్ చేశారు. అయితే విడుదలైన నాటినుండి ట్రైలర్ కు విశేష స్పందన లభిస్తుంది. థ్రిల్లింగ్ కథాంశంతో తెరకెక్కించిన ఈ సినిమాలో అడివి శేష్, అదా శర్మలు లీడ్ రోల్స్ లో చేస్తుండగా.. అనసూయ ప్రత్యేక పాత్రలో నటించింది.
రవికాంత్ దర్శకత్వం వహించిన ఈ సినిమా పివిపి బ్యానర్ లో పరం వి పొట్లూరి నిర్మిస్తున్నారు. శ్రీ చరణ్ సంగీతం అందించిన ఈ సినిమా ఆడియో త్వరలో రిలీజ్ చేయనున్నారు. ఇక సినిమా ఫిబ్రవరి 26 న ప్రేక్షకులముందుకు తెచ్చే ప్రయత్నాలు చేస్తున్నారు.
